Filma

Fifty Shades Freed (2018) – Recensim

‘Free(d), at last’!

Të liruar, më në fund nga pseudo-filmi romantik bazuar në trilogjinë me të njëjtin emër. Por, s’do ia dorëzojmë historisë, aty ku do të humbet për të mos u shfaqur kurrë më, pa e bërë një recensim për ‘Fifty Shades Freed’! Continue Reading

Filma

Love, Simon (2018) – Recensim

Filmat e ‘rritjes’ (coming-of age), varësisht prej gjeneratave që kanë prekur, kthehen në kulte.  Disa nga të fundit që mund të mbeten jashtë kësaj kategorie duke u nënvlerësuar, do të thosha që janë ‘Short Term 12’, ‘The Edge of Seventeen’, e ‘Juno’. Ashtu do të mbetet edhe ‘Love, Simon’, i cili është një film i përkryer në realizimin e qëllimit që ka.

Që nga vendosja e ngjarjes në një vend jo aq të njohur, karakteret e portretizuara nga aktorë mirë të përzgjedhur, dialogu, e deri tek skenari dhe një fotografi magjepsëse, ‘Love, Simon’ shkëlqen në çdo aspekt. E përsëris që nuk është një film që do të vlerësohet shumë nga kritikët e esnafët tjerë të filmit. Është një film që çdo filmdashës modest do të kënaqej ta shikonte.

Filmi përqendrohet në jetën e Sajmën Spajër, i cili ruan një sekret të madh në vete, duke mbajtur jashtë tij familjen, miqtë, dhe shokët e klasës. Sajmën është një adoleshent gej. Këtë sekret ai e zbulon tek një blloger i cili mëton se është i vetmi gej në shkollën ku Sajmën ndjek mësimin. Dikur ky bashkëbisedim rrjedh online, dhe derisa bllogeru mbetet me identitetin e fshehur, Sajmën duhet të përballet me rrethanat e reja. Por, ai vendos të shkojë një hap më tutje – të gjej kush është geji tjetër në shkollë? Dhe ky mision, ofron një dozë shtesë misteri në një dramë të këndshme, të realizuar për merak.

Jennifer Garner, e Josh Duhamenl janë emra me të cilët sigurisht jeni njohur nëpër filma të ndryshëm. Këta dy luajnë rolet e prindërve të Sajmën, i cili portretizohet nga Nick Robinson. Ndërkohë, mikja e tij më e mirë është Katherine Langford – aktorja kryesore nga 13 Reasons Why! Pra, edhe kasti është i përshtatur për këtë temë, duke rrumbullakuar një film të përkryer! Them të përkryer pasi ia del të realizojë atë për të cilën është përgatitur, dhe nuk ka të meta në ndonjë aspekt. Nota personale: 4/5

Filma

Avengers: Infinity War (2018) – Recensim

Lufta e pafundme duket të jetë sikur ideja dhe lista e filmave të Marvel – e pafundme!

Çdo vit, nga dy-tre super-heronj nëse jo me ndonjë armik, kapen me njëri-tjetrin, për ‘ideale’, dhe në fund del Samuel L. Jackson me një mf të tij dhe i pajton të gjithë! Tek ‘Infinity War’ kemi një armik tjetër – Thanosin i cili Continue Reading

Filma

Tag (2018) – Recensim

Një tjetër film loje, por kësaj radhe i bazuar në një ngjare të vërtetë, me një ansambël aktorësh mirë të zgjedhur, të cilët kanë harmoni skenike ndërmjet vete, nga skena e parë, deri tek fundi. Filmi merr një kthesë pak të pritur në pjesën e fundit, por më e mira e krejt filmit është që me të përfunduar kemi video-sekuenca nga loja e njëmendtë e pesë miqve. Continue Reading

Filma

Jurassic World: Fallen Kingdom (2018) – Recensim

Nuk e di deri kur do të vazhdojnë, por ka vite që shija e risisë tek franshiza e ‘Jurassic’ ka humbur. Pikësëpari e kam të vështirë ta kuptojë tërë këtë obsesion me dinozaurët. Pse jo me mamutët! Sidoqoftë, kthimi prej më shumë se pesëfish i investimeve që garanton profit, na bën të ditur që kjo franshizë do të vazhdojë edhe pas vitit 2021. Continue Reading

Filma

The Commuter (2018) – Recensim

Me ujq, në aeroplan, me terroristë shqiptar (edhe atë tre herë), kundër nazistëve në mënyrën më paqësore, dhe sa e sa misione tjera a pasur Liam Neeson në shpëtim të njerëzimit. Ndonëse mund të duket në një film që ngjan në serinë Taken, apo në kidnapimin e aeroplanit, veçse në tren, ‘The Commuter’ ofron një alternativë më të mirë se të dy këta tituj.

Kohëzgjatja e shkurtër e ngjarjes, e bën shikuesin më të lidhur me filmin, pasi në njëfarë mënyrë e ndjen që fundi nuk pritet të vonojë. Filmi zgjat në kohën e përkryer – 105 minuta; nuk ka hapësirë për kotësi, dhe ofron atë ndjenjën drithëruese për pjesën më të madhe të tij.

Liam Neeson vjen në rolin e një shitësi dhe ish-polici i cili merr shkarkimin nga puna, dhe rrugës për në shtëpi përsëri mbetet në trenin e njëjtë periferik. Sot, për dallim prej ditëve tjera, ai merr një detyrë nga një bashkudhëtare për të gjetur një pasagjer tjetër ose të ndeshet me pasoja fatale për familjen e tij. Gjersa Neeson është në luftë me kohën për të gjetur udhëtarin e kërkuar para arritjes në stacion, njëkohësisht edhe shikuesit nis të lidhet me këtë orë që ecën drejt alarmit fatal, falë një skenari mirë të përpunuar nga një ekip goxha papërvojë.

Vera Farmiga vjen në rolin e Xhoanës, bashkudhëtares së tij, me një ansambël që bëjnë punën e tij si krejt pjesa tjetër e ekipit teknik – më mirë se që do e prisja. Nuk është film kushedi sa i veçantë, por nëse dëshironi diçka aksion me tematikë kriminale, drithëruese, atëherë do të ishte përzgjedhje e mirë kjo. Më e mirë se të tre ‘Taken’-at. Nota personale: 3/5

Filma

Tomb Raider (2018) – Recensim

Ka qenë koha që të ribëhet ‘Tomb Raider’. Të kaluarit me Angelina Jolien kanë qenë të mirë për kohën e tyre, por të padenjë për një franshizë të këtillë. Jo vetëm teknikisht, ‘Tomb Raider’ i vitit 2018 shkon para në krahasim me ‘Lara Croft: Tomb Raider’ si në aspekt teknik ashtu edhe në atë artistik, pa harruar edhe diferencën Continue Reading

Filma

Ocean’s Eight (2018) – Recensim

Ndonëse nuk jam fans i madh i Cate Blanchett, harmonia e saj me Sandra Bullock, edhe pse jo aq natyrale, ishte e durueshme në fillim. Pastaj shfaqet Anne Hathaway e cila duket sikur është kthyer në zanafillën e saj artistike. Nuk më kujtohet kur e kisha parë për herë të fundit – diçka gati e zakonshme me fitueset e Oskar të cilat më pas duket se kanë krizë identiteti se në çfarë rruge për të vazhduar pas ‘majës’ së karrierës.

Ende, Continue Reading