Opinione

Zëri i të zhdukurve

Tetëmbëdhjetë vite pas luftës akoma ka mijëra njerëz fati i të cilëve nuk dihet. Ka edhe prej atyre fatin e të cilëve e dimë, por në një mënyrë apo tjetrën shpresa që gjithë bota përreth nesh, përfshirë edhe neve, të ishte gabim në identifikimin e tyre, akoma mbijeton. Në ato ëndrrat e netëve pagjumë kur gjithçka na vjen vërdallë si një botë alternative të cilën për pak çaste marrim guximin qyqar ta ëndërrojmë. Aty ku jemi bashkë me ata të cilët nuk e dimë a janë të gjallë, të vdekur, të robëruar, të humbur… të zhdukur. Continue Reading

Opinione

Dita e nonave sivjet osht me 10 maj, ose si zakonisht e diela e dyte e majit…
Nese doni mi uru nonave diten e tyne, shfrytzone kete date, ngjashem qysh iu urohet babave n’dilen e trete t’qershorit.

Me nda veq ni dite per mi vlersu gjysmen e popullsise t’ksaj bote osht marre.

Shume veta, tu nis prej motres teme (fmijes t’preferum n’familje hon’e’don) kete dite e kan festu me ane t’ahengut e sendeve t’ngjashme. Restorantet lokale ktu n’katund s’kan pas vende t’lira ka 3-4 dite per kete date.
Nuk di une cka po festohet. A mire i kan punet gjinia femrore n’vendin tone, a?! Ni mije probleme jon, ni mije nenqmime per to, ni mije vujtje, edhe ia japin veq ni dite grave, n’kete vend t’dominum prej frymes patriarkale.

Krejt statuset qka i pash, krejt fjale miradije, urime e senne. Veq ni status ke n’forme proteste. Ku t’kishim pas s’paku ma shume statuse protestuese.

Osht koha mos me festu, po me demonstru, me protestu (nuk protestohet veq n’rruge) n’mnyra t’ndryshme. lypi t’drejtat mu shkollu, me punu, mos mu nenqmu, mos mu kon veq objekt prodhues i fmijve edhe bukes. Mos u knaqni me ni dite, se ju meritoni ma shume. Jeni njeri, ngjashem si gjinia e kundert qe nuk ju len syte mi qel. Jeni t’barabarte. I keni krejta per mu kon barabarte e edhe ma nalt se burrat.

Mos u knaqni me ni darke, ni fustan, apo ni lule plastike. Mos e ulni veten kaq poshte.

Mu m’vjen marre me uru 8 marsin, sidomos n’kete vend, e n’kto kushte diskriminuese. Shpeshhere po m’vjen marre edhe qe jom djale, sidomos kur po lexoj kroniken e zeze.

Opinione

A e dini sa zor osht me gjet ni kosovar qe nuk urren ni popull, ni racë, apo ni fe? Unë nime jom njeri asocial dhe pak agorafob, mirëpo jashtë familjes teme t’gjerë, njoh bajagi njerëz. Edhe n’mesin e ktyre t’fundit osht zor me gjet ni kosovar që nuk urren dikon. Ata pak që jon, i kom n’close friends list n’fejsbuk.

Pjesa dërrmuese kanë një popull, një racë, një fe, një gjini, për të urryer. Në bazë të asaj që mundemi me has nëpër ambiente ndryshme, sidomos virtuale, popullin tonë mund ta ndajmë në disa grupe shovinistësh.

Urrejtësit e serbëve –

Këta janë pjesa pseudo-patriotike e cila është ushqyer në masë të madhe nga mediat për urrejtje ndaj tërë popullit serb. Derisa historia na mëson që konfliktet ndërmjet shqiptarëve dhe serbëve kanë një zanafillë mesjetare, urrejtja ndaj një populli të tërë është absurde. Gjithashtu një pjesë e konsiderueshme ka qenë pre e dhunës dhe terrorit të pjesëtarëve aktiv serb në dhunë, dhe urrejtja e tyre ndaj tyre është e kuptueshme. Por, kjo pjesë është më e butë në urrejtjen e tyre, përkundër të gjitha arsyeve për urrejtje, disa edhe gjejnë hapësirë për të dalluar individin nga tërësia.

Ka njerëz që kanë humbur më të afërmit në luftë, kanë pësuar dëme materiale, por urrejtja e tyre kufizohet tek Millosheviqi dhe pasuesit aktiv të ideologjisë së tij.

Pjesa më e madhe e këtij lloj shovinizmi është pseudo-patriotët të cilët mendojnë se bëhen më trima, më shqiptar me urrejtjen e çdo serbi. Këta janë ata që shesin iluzione për një racë të pastër shqiptare që duhet të zotëroj një kufi imagjinar që përfshin të gjitha trojet në lindje të Adriatikut.

Urrejtësit e malazezëve, grekëve, maqedonasve –

Këta janë ‘patriotët’ më të mëdhenj. Janë grupi më i rrezikshëm i shovinistëve kosovar. Janë njerëz të mbushur me urrejtje, kryesisht provojnë të merren me histori dhe në mendjen e tyre ekziston një paranojë se të gjithë ua kanë inat shqiptarëve, dhe ‘armiku’ gjithnjë ka tentuar të copëtoj trojet tona etnike, sepse Shqipëria Etnike është vendi më i bukur në botë.

Ky grup edhe mendon që Amerika është mike e shqiptarëve sepse George Washington e ka pasur nënën shqiptare dhe ua ka lënë amanet top-sekret të gjithë amerikanëve për të mbrojtur racën tonë deri sa të ekzistoj planeti! – ju thashë që janë më të rrezikshmit

Urrejtësit e turqve –

Urrejtja ndaj turqve është e dyfishtë. E para urrehen pse janë turq dhe na kanë ‘okupuar’ vetëm neve për pesëqind vite, dhe e dyta urrehen pse janë myslimanë sepse na kanë lënë fenë me zor, ashtu siç ia kanë lënë grekëve, bullgarëve, armenëve, rumunëve, serbëve, maqedonasve!

Grupi i parë i shovinistëve anti-turk është ata që provojnë të vendosin ndjenjën kombëtare para asaj fetare. Këta urrejnë vetëm pse na kanë okupuar, dhe u besojnë librave turq që shqiptarët kanë qenë më rezistuesit dhe e kanë ndalur hovin e osmanlinjve sidomos në epokën e Skënderbeut. Nëse shohim kufijtë e perandorisë osmane në atë kohë, shohim një shtrirje goxha të madhe dhe një efekt jo aq të madh në ndaljen e pushtimit së Evropës. Edhe këta ushqehen nga filma artistik të cilët sjellin të ‘vërtetën’ e dialogëve në katër sy, duke sjell një version krejt tjetër për interesa kombëtare nga ai i pronarëve të atyre katër syve.

Grupi i dytë urren turqit për shkak të fesë. Këta ende kanë paranojën që prania a turqve në Kosovë është një shtytje për myslimanët. Shitja e pronave publike tek turqit shihet si një afrim kah lindja e jo kah perëndimi. Këta harrojnë të fajësojnë vetveten për votat e tyre për liderët që nuk kanë arritur të krijojnë një ambient të përshtatshëm për investitorët perëndimor.

Vodafone britanike (e treta në botë për telekomunikacion) është prezent në Turqi, Egjipt, Katar; Shqipëri, Telefonica spanjolle (e shtata në botë për telekomunikacion) është prezent në Marok, Sudan; Orange e Francës është e pranishme në Egjipt, Jordani dhe pjesën më të madhe të Afrikës nën-Sahariane. Të gjitha këto vende me shumicë dërrmuese myslimane.

Mund të konkludojmë, pa hyrë tek industritë tjera, që kompanitë perëndimore nuk janë duke mos ardhur pse jemi myslimanë, por sepse nuk kemi kulturë demokracie, ndoshta.

Urrejtja ndaj izraelitëve –

Ky lloj shovinizmi bazohet në teori konspirative kryesisht, dhe kohë pas kohe nxitet nga konflikti izraelito-palestinez. Shovinistët anti-izraelitë kryesisht konsiderohen shumica myslimane (jo të gjithë, kuptohet), të cilët shovinistët anti-turk i konsiderojnë si shtresë më e ultë shoqërore, më primitive. Këta të fundit, pos shovinizmit shfaqin edhe shenja fashizmi, derisa nuk mund të mohojmë aspak snobizmin e tyre.

Urrejtja ndaj izraelitëve, si popull në përgjithësi është e padrejtë, pa marrë parasysh konfliktin e tyre. Kjo ndihmohet më shumë nga teoritë konspirative për popullsinë që i përket fesë hebreje. Dhe si popull badihavgji, teori të tilla tek ne pinë ujë më shumë se lopët pas një dite të gjatë vere në fushë.

Ky lloj shovinizmi ndihmohet shumë edhe nga të vetquajturit dijetarë fetar të cilët u shesin mend një shtresë të caktuar, e cila përkundër ngritjes së lartë familjare e arsimore, bie pre e trushpëlarjes që kryekëput bazohet në shovinizëm.

Urrejtja ndaj arabëve –

Urrejtja ndaj arabëve është më e madhja. Kjo zakonisht është e pranishme tek personat që dëshirojnë të ndajnë kombin nga feja. Kjo lloj urrejtje është nxitur kryekëput nga shfaqja e radikalizmit islam që dëshiron të sjell një kulturë që nuk përshtatet me vendin tonë, nga një vend tjetër. Pra, është në lloj urrejtje e kushtëzuar, e nxitur nga individë që bëjnë pjesë në grupin paraprak.

Por, kjo urrejtje nuk arrin të ndaj radikalët dhe të moderuarit. Si çdo urrejtje, as kjo nuk njeh arsye. Për mendimet e disa individëve, urrehen e tërë feja, i tërë populli. Kjo urrejtje nxitet edhe nga analistë të ndryshëm politik, të cilët shfrytëzojnë një pjesë të kufizuar për të shfaqur apetitet dhe shovinizmin e tyre ndaj krejt popullit, fesë.

Urrejtja ndaj shiave –

Kjo është urrejtja më e marrë. Ky grup shovinistësh janë plotësisht të paarsyeshëm. Urrejnë një sekt të fesë së tyre, për arsye të paarsyeshme! Urrejnë një popull që nuk u ka bërë asgjë drejtpërdrejt, një popull që nuk e kanë takuar kurrë, një popull që beson 90% të gjërave që edhe ata besojnë.

Për fund…

Osht ni pjesë e kosovarëve që nuk urrejnë kërkond. Jon njerëz t’mirë, që e din se urrejtja nuk ju vyn.

Tekefundit urrejtjes, shovinizmit nuk ia ka pa hajrin kërkush. As na nuk kemi me ja pa hajrin. Sa urrejmë diko pa pikë arsye, veç pse na kanë kallzu që jon kshtu e ashtu, edhe tan ditën pijmë makiato e bohemi pjesë e kopesë që trushpërlahet sabah e akshom prej mediave, ma mirë osht me ia nis me punu diçka të hajrit, me bo nojsend t’mirë.

Buzqeshni, knoni, thuni fjalë t’mira, bonu msit, pajtoni njerëz, doni… jeta osht e shkurt, e për ata që urrejnë, për t’kqit nuk osht as kjo botë e as tjetra…

Opinione

Dhe vjen përsëri ajo periudha e vitit kur kinematografia zgjedh më të mirët e vitit të kaluar. Oskarët, SAG-ët, BAFTA-t, e shpërblime tjera, por gjithçka duke nisur nga Golden Globes dominojnë çerekun e parë të vitit përkrah festivaleve si Sundance e Berlinale. Kjo është arsyeja pse filmat e parë, bllokbusterët nisin të shfaqen vetëm në prill-maj.

Të nominuarit për Oskarët e sivjetmë tashmë janë publik. Si zakonisht befasitë për të mirë e për të keq nuk munguan. Por, le të nisim nga ata që u injoruan me apo paqëllim nga Akademia. Të përmbledh shkurt – Tom Hanks, Robert Redford, Emma Thompson, The Butler, Monsters University 2, Rush. Të mos shohësh Tom Hanks as në kategorinë për aktorin më të mirë në rol kryesor (Captain Phillips) as për aktor dytësor (Saving Mr. Banks) është afër turpit. Është më turp se sa gjysma e ‘The Wolf of the Wall Street’. Në fakt ky film i Scorsese është më shumë i pistë se sa i turpshëm. Nuk di çfarë kërkon tek Oskarët kur do të duhej të ishte në garë për shpërblimet e filmave për të rritur, ndoshta.

Tom Hanks shkëlqen si kapiteni i anijes së vjedhur në filmin biografik ‘Captain Phillips’. Sidomos pjesa e fundit kur vihen në pah emocionet e karakterit të tij, shfaqet mrekullia prej aktrimi që vetëm një aktor i kalibrit të tij di të bëj. Hiç më pak i mirë nuk është as tek ‘Saving Mr. Banks’. Harmonia në skenë me Emma Thompsonin, dhe portretizimi i përkryer i Walt Disney meritojnë një vend në kategorinë për aktorin më të mirë në rol dytësor. E ngjashëm edhe mungesa e Emma Thompson është mëkat, edhe pse kategoria për aktoret në rol kryesor ishte mjaft e populluar. Por, një veterane e tretë vetëm sa do të ngrite cilësinë dhe vlerën e Oskarëve.

Robert Redford është vet filmi ‘All Is Lost’. Është aktori i vetëm që kalon tërë kohën e filmit përpara kamerës. Një film pa dialog ku flasin emocionet dhe zërimi perfekt i çdo skenë nën regjinë e J.C. Chandor, sjellin një ‘Life of Pi’ pa efekte dhe shumë më realist. Redford ndoshta vjen edhe me rolin e karrierës së tij, dhe megjithatë injorohet nga Akademia që pëlqejnë më shumë një karakter arrogant të Di Caprios.

Por, injorimi më i madh i është bërë filmit ‘The Butler’. Përkundër pak përshtatjes së skenarit me jetën reale të shërbëtorit më të njohur të Shtëpisë së Bardhë, filmi sjell një histori emocionuese familjare duke u lidhur në njërën nga periudhat më të vështira të SHBA-ve moderne. Oprah Winfrey po që aktron për mrekulli, por, Forest Whitaker është i mahnitshëm. Edhe ky ka merituar të jetë i nominuar para shumë kandidatëve tjerë për aktorin më të mirë.

Injorim tjetër ishte mos nomimi i ‘Monsters University’ në kategorinë e filmave të animuar. Më pëlqejnë të përzgjedhurit në këtë kategori, por sigurisht ka pasur vend edhe për ‘Monsters University’. E ‘Rush meritonte shumë më tepër se nga aspak që mori kësaj radhe. Daniel Bruhl shkëlqen, skenari është fantastik, sidomos kur bazohet në ngjarje të vërtetë, e as regjia nuk mbetet mbrapa. Megjithatë asnjëra nuk mjaftojnë për Akademinë, ngjashëm si ‘Her’ që gjithashtu nuk vlerësohet edhe për regji, skenar, e aktrim të Joaquin Phoenix.

Por, le ti hedhim një sy të nominuarve. ‘American Hustle’ i David O. Russell është nominuar në të gjitha kategoritë kryesor. Ngjashëm si me filmin më të mirë të vitit të kaluar për mendimin tim ‘Silver Linings Playbook’ edhe këtë vit kemi të nominuar në të gjitha kategoritë e aktrimit n’ga kasti i një filmi të David O. Russell. Ngjashëm si vitin e kaluar, edhe këtë vit, një film i Russell gjendet në krye të listës së filmave më të mirë të vitit për mua. Megjithatë, përsëri sikur vitin e kaluar, vetëm Jennifer Lawrence ka gjasat më të mëdha të fitoj Oskar, jo pse pjesët tjera të filmit janë më inferiore, porse ndoshta konkurrenca është më e madhe tek kategoritë tjera.

Nominimet plotësisht i meritoi edhe ‘Gravity’, një projekt fantastik i Alfonso Cuaron që duket se konfirmon cilësitë e teknologjisë 3D në kinema. Por, ’12 Years a Slave’ mund të jetë favorit për shumicën e kategorive për shkak të temës që prek, e skllavëria dhe racizmi gjithnjë kanë ndikim tek Akademia. Temë prekëse me një aktrim perfekt të Matthew McConaughey dhe Jared Leto ka ‘Dallas Buyers Club’. Një film shkëlqyeshëm i shtjelluar, i madhështuar edhe më shumë me aktrimin perfekt të McConaughey dhe Letos. Këta dy janë favorit absolut për Oskarët të cilët i meritojnë me plotë kuptimin e fjalës.

Befasi e këndshme është nominimi i ‘Philomena’ si filmi, skenari më i mirë i adaptuar, dhe për aktrimin e Judi Dench. Kategoria për aktoren më të mirë duket të jetë më e pjekura me emra si Dench, Streep, Bullock e Blanchett. Nominimi i Adams është befasi e mirë, por, është më se e sigurt që Cate Blanchett do të marr Oskarin për ‘Blue Jasmine’. Edhe skenari i këtij filmi është i mirë, ngjashëm si regjia e Woody Allen, por kjo e fundit nuk është nominuar fare.

Befasi e këndshme është edhe nominimet e shumta të ‘Nebraska’. Një film lart i vlerësuar me veteranët Bruce Dern e June Squibb të nominuar për Oskar së bashku me nominimet për filmin, regjinë, dhe skenarin origjinal më të mirë. Akoma nuk kam pasur rastin të shoh këtë film, ngjashëm si ‘Philomena’, por kritikët premtojnë shumë.

Në fund, është herët të zgjedh favoritët, sidomos pasi ka edhe pak filma që nuk kam arritur ti shoh akoma, por, për mendimin tim ‘American Hustle’ çfarëdo që fiton, do të jetë e merituar plotësisht. ’12 Years a Slave’ mund të jetë filmi më i mirë, me regjinë për Alfonso Cuaron dhe ‘Gravity’, Matthew McConaughey, Catel Blanchett, Jared Leto, e Jennifer Lawrence si fitues për aktrim. ’12 Years a Slave’ e ‘American Hustle’ mund të fitojnë edhe në kategoritë e skenarëve me ‘Frozen’ si animacioni dhe kënga më e mirë.

Luan Morina
Kritik filmi

 

Opinione, Televizioni, TV Reviews

game-of-thrones-season-4

Kritiku James Hibberd i Entertainment Weekly të nesërmen e ka cilësuar si ‘skena më brutale e parë ndonjëherë në histori të televizionit’. I referohet episodit të nëntë të këtij sezoni, ‘Dasma e kuqe’. Pika kthyese që krijoi hallakamë dhe shtyu shumë veta të nisin sezonin e parë, ishte kjo dasmë.

Për të mos ‘prishur’ fundin e sezonit (e keni edhe recensimin ‘me spoilera’), s’do të jap detaje për këtë episod, por do të përqendrohem më shumë në rrjedhën e serialit, më saktë lëvizjen e këtij sezoni.

Fundi i sezonit të dytë ishte i mahnitshëm. Krijesat e veriut u shfaqën si asnjëherë më qartë dhe Semi ishte i vdekur për neve. Megjithatë bastardi (njëri nga të shumtit, disa prej të cilëve u shfaqën sefte këtë sezon), disi mbijetoi dhe u shndërrua në një ‘special’. Për këtë do të mësojmë më shumë në pjesën e parë të këtij sezoni, kur Rojtarët e Natës përfshihen edhe në një luftë, të cilën besoj që shumica e kanë uruar, gjithashtu edhe unë.

Karakteret dytësore si Semi, mendoj që kanë një rol më të rëndësishëm në çmendinën e George Martin.

Ngjashëm si Semi, kemi edhe ndihmësin e Gishtvoglit, i cili del të jetë një karakter nga ’50 Shades of Grey’, dhe torturuesi i Theonit, për të cilin gjejmë më shumë detaje në fund të sezonit, edhe pse jo gjithçka qartësohet.

Këto katër karaktere dytësore, si në hije janë lidhur shumë me ngjarjet e mëdha që ndodhën përgjatë sezonit. S’do të habitesha nëse do të kishin rol dhe hapësirë më të rëndësishme, edhe pse duket pak e mundshme. Një mbret i ri ndoshta jo, por një lider në beteja është diçka reale për këto karaktere. Në fakt, këto na bëjnë më të interesuar për temën e serialit.

Veriu është zhdukur dhe ngjarjet nisin përtej Murit me Xhon Snou të zhvendosur përtej. Pikërisht karakteri i Xhon Snou duket më konfuzi këtë sezon, pa synime, pa plane, pa asgjë. Është si një rrugaç që sorollatet rrugëve, i humbur.

Starkët akoma janë të ndarë dhe gjithnjë në kërkim të hakmarrjes. Nëna Stark, hedh në pah karakterin e një nëne tipike që vepron në bazë të emocioneve, në mungesë të arsyes. Kjo i shpaguhet keq.

Sezoni i tretë mund të konsiderohet edhe si një ‘rrugëtim’ i Xhejmi Llanister. Njëri nga karakteret që ka evoluar më së shumti është, karakteri i tij. Atë do e njohim më thellësisht dhe do të bëhet disi më ‘i dashur’ të mos them, por do të kemi ndoshta një ndjenjë më të zbutur. E Llanisterët si Llanisterët. Xhofri është karakteri më negativ, më i pështirë që kam parë në TV së fundmi. Nuk është negativ në plotë kuptim e fjalës, të bën më shumë ta urresh se sa ta duash si karakter negativ. (ka karaktere negative që janë të dashur!)

Tirioni është i vetmi që mbetet i dashur tek Llanisterët. Për shumë kë është karakteri favorit edhe në serial. Edhe vetëm sa vazhdon e bëhet më i dashur për publikun e gjerë. Janë disa skena, disa fjali që të bëjnë të qeshësh me nënqeshjen e tij në episodet 8 dhe 10. Ka një harmoni ndërmjet tij dhe Sansas. Në fakt vetëm pas kësaj harmoni, afrimit të këtyre dy karaktereve në këtë sezon kam filluar të pëlqej karakterin e Sansas. Gjithnjë ka qenë e vuajtur, duke qarë, e mërzitshme.

Uollder Frej, apo siç e quajmë ne Potterhead-ët, Laraska paraqitet në vetëm dy episode, por ka njërën nga skenat më të mëdha në këtë serial, skena në të cilat shkëlqen. Nëse do të kishte ndonjë rol mysafir/episodik në serialet dramë, Frej do të ishte në Top 5 për Emmy këtë sezon. Nga karakteret me rol jo shumë të madh që më kanë pëlqyer këtë sezon do të veçoja edhe Marxhëri Tarrell dhe gjyshen e saj, tullacin, dorën e parë të Baratheonit. Oh, edhe Hodorrrrrr. Ky i fundit nuk ka rol të madh, në fakt minimal, por më pëlqeu sidomos kah fundi i sezonit, edhe atë pa ndonjë arsye të arsyeshme! Nuk di si do të ndjeheni për torturën ndaj Theonit. Personalisht, pas ngjarjeve në sezonin e dytë nuk kam pasur kurrfarë afiniteti për këtë karakter në serial. Gjithashtu tërë skenat me të nuk më kanë bërë shumë përshtypje, një ftohje dhe injorim ndaj karaktereve televizive, si ndaj Theon nuk kam ndjerë moti kohë, ndoshta edhe kurrë. Zakonisht pëlqen, nuk pëlqen, urren, dashuron një karakter në TV. Asnjë nga këto dhe emocionet tjera nuk më lidhin me të më në këtë serial!

Eh përtej detit po ndodhin mrekulli. Mrekulli që po më pëlqejnë, dhe atë jo vetëm mua, por shumë fansave që njoh. Evoluimi i Khalisit nga një karakter i ofenduar, i nënçmuar në maksimum në sezonin e parë, një karrem i vëllait të saj të madh, nga një person thjesht i shpërdorur nga të gjithë, në atë që është bërë në sezonin e tretë është ajo çfarë e bën këtë serial të mrekullueshëm.

Nuk e di kur do të kalojnë detin, por kurdo që do të kalojnë besoj që na presin skenat më të hatashme të para deri më tani. Fjalimi i saj në gjuhën valiriane për ‘të pacenuarit’, negocimi i marrëveshjeve, dragonjtë, urdhrat që jep, e bëjnë një mbretëreshë dhe ….. si të them, një karakter të përkryer.

Më duket se kam lënë shumëçka të papërmendur, sigurisht edhe ‘spoilerat’! Do të kthehesha të shikoja sezonin e katërt sido që të ishte, por tani mendoj që të nis me pjesën e dytë të librit të tretë. Nuk besoj që do ta bëj këtë, jo pasi ‘Dasmës së kuqe’. Jo si dëshpërim, por preferoj të ndodhin të papritura dhe befasi si ajo aty. Kjo e bën më të dashur këtë serial. Megjithëse nuk besoj se do të ndodhin çmendurina më të mëdha se në këtë sezon. Jemi në një aventurë epike që shpresoj të mos prishet në fund nga presioni për pritjet e mëdha që po krijohen me kalimin e episodeve. “George Martin, you rock and I don’t have a favourite character.” 😀

Luan Morina
Kritik për TV&Film

Opinione, Televizioni

Vitin e kaluar ishte Top 50 pas një Top 10 dhe Top 20. Këtë vit kam vendosur të reduktoj numrin në Top  si shenjë revolte për degradimin në cilësi të programeve televizive që shfaqen në kanalet tona.

Renditja është mendim personal i imi, nuk paraqet qëndrimet e redaksisë së Telekomandës apo çfarëdo mediumi tjetër ku mund të publikohet eventualisht. Është thjesht mendimi im i thjeshtë, i konstruktuar mbi shumë orë të kaluara duke shikuar televizion gjatë këtyre viteve, sidomos këtë sezon që për mua tashmë ka përfunduar. /Luan Morina/

 

40 Lugina e Ujqërve (Vizion Plus)

Padyshim seriali turk më i mirë i transmetuar në Vizion Plus deri më tani. Është një kult në televizionet turke dhe mund të vazhdoj për vite të tëra. Personalisht nuk është ndër serialet e mija të preferuara, por përshtatet me etjen e shikuesve shqiptarë.

 

39 Drejtpërdrejt (TVSH)

I vetmi program që ja vlen të shikohet në televizionin publik shqiptar. Sinqerisht, programet tjera nuk ja vlejnë të shikohen, pos ndoshta kuizit të ri të Enkel Demit, i cili ka filluar pak më vonë se koha kur vlerësoj se meritojnë një vend në sezonin televiziv. Drejtpërdrejt mbetet simboli dhe ku të ishte ai fat që të ketë edhe më shumë programe të të njëjtës cilësi në TVSH.

38 Top Fest (Top Channel)

Ka filluar të plaket edhe ky format. Nuk është në majat siç ishte më parë. Nuk mund ti fajësojmë, edhe brende si American Idol nuk po mund të mbijetojnë në dekadën e dytë. Po, Top Fest-in, sidomos ato edicionet fillestare do të mund ti krahasoja me American Idol. Ka qenë një finale jo shumë eksituese sipas disa analistëve tjerë, dhe me shtimin e konkurrencës si The Voice e X Factor Albania, nuk besoj që kemi hapësirë për tri programe talentesh muzikore.

 

37 Champions League (Klan TV)

Edhe tri vite gara më e madhe ekipore në botë vjen falas për shqiptarët në TV Klan. Nuk ka pasur alternativë më të mirë se kjo, dhe është fat që nuk është me pagesë edhe të mërkurave siç ndodh për shembull në Francë. Është politikë e UEFA-s që vetëm një mbrëmje të shfaqet futboll në kanalet pa pagesë, prandaj nuk është fajtor Klani pse nuk ka Champions të martave. Sidoqoftë, tani zgjedhja e parë e mbrëmjes që ofrojnë është një ngritje në krahasim me sezonet e kaluara.

 

36 Takimi i pasdites (Klan TV)

Epo nuk më ka pëlqyer në sezonet e kaluara. Nuk ka ndryshuar diçka për të mirë as këtë sezon për mua. E di që nuk jam targeti demografik, por nëse do ta krahasoja me programet tjera simotra do ta vendosja pas tyre, por edhe Pasdite ka mbetur ngjashëm tani. Nuk ka diçka të veçantë, por e di që shumë veta nga demografia e këtij emisioni pëlqejnë Takimi i pasdites.

 

35 Skaner Kampionat (Albanian Screen TV)

Më pëlqen që vazhdon traditën edhe pas tërë këtyre viteve. Nuk ka humbur shumë nga origjinaliteti, dhe kjo mendoj që e bën të mbijetoj. Shpesh bëhen debate të frytshme dhe interesante. Besoj që ka ruajtur audiencën e vet përkundër shfaqjes së formateve të ngjashme të reja.

 

34 Pasdite në Top Channel (Top Channel)

Ku është Lira Burgija?! Seriozisht çfarë menduan krerët e Top Channel duke sjell Ulpiana Ramën në vend të Lirës?! Nuk ka sjell asgjë më të mirë dhe më cilësore për mendimin tim. Nuk ka dëmtuar imazhin dhe formatin e emisionit, por, Lira Burgija ka bërë punë të shkëlqyeshme. Meritonte të mbetej në pozitën e autores së këtij emisioni.

 

33 Sulltani – Shekulli i madhërishëm (Albanian Screen TV)

Sulltani është kthyer në kohë rekorde tek audienca shqiptare. Kjo na është thënë nga AS TV, por edhe në një mënyrë pasqyrën urinë e shikuesve për seriale të tilla. Nuk e mohon askush që është seriali më i madh turk për momentin, dhe sezoni i katërt i jep edhe më shumë siguri në të ardhmen AS TV. Meriton të jetë në mesin e dyzet programeve më të mira në kanalet tona.

 

32 The Good Wife (Klan TV)

Nuk është drama që kam pritur, por është dramë lart e vlerësuar në Klan TV. Ka pasur alternativa tjera, mendoj, por megjithatë edhe ‘The Good Wife’ nuk është për tu hedhur poshtë. Besoj që mund të gjej audiencën e saj, e gjithashtu rinovimi për sezonin e ardhshëm i jep Klanit një siguri më të madhe në spektrin e dramave amerikane në primetime. Sidoqoftë, prurjet e reja nuk do të ishin kurrë të padëshiruara.

 

31 Select (Top Channel)

Edhe një program stemë i Top Channel. Ardhja e programeve debatuese, talk-show, në programacionin e pasdites, si dhe prania e telenovelave nuk ka arritur të çmontoj këtë program. Më pëlqen si një alternativë më ndryshe, më e lehtë, më e këndshme pas një paraditeje të lodhshme. Shpresoj të vazhdoj edhe për sezone tjera.

 

30 Wake Up (Top Channel)

Destinacioni më i mirë për mëngjes, padyshim është çifti i Wake Up. Ofrojnë alternativën më të këndshme për të nisur ditën, falë energjisë së tyre të parezervuar ndonjëherë, lajmeve të freskëta, rubrikave, dhe muzikës të zgjedhur. Programet konkurrente ose janë jostabile ose të dala mode.

 

29 Game of Thrones (3Plus/Digi Plus)

Vetëm në maj ky serial ka krijuar një hallakamë që i shtyn të gjithë të interesohen më shumë për të. Versioni në 3Plus dhe Digi Plus, më duket se nuk ka qenë i censuruar ashtu si në Top Channel. Megjithatë mungesa e HBO-së në Shqipëri, shkakton vonesa të shumta në prurjen e këtij seriali, diçkaje që i kontribuojnë edhe kanalet që blejnë këtë serial.

Megjithatë, qoftë edhe me vonesë dikush po kujdeset të sjell dramën më të mirë në televizion për momentin (shih edhe rejtingun e IMDB-së, dhe komentet e fansave) në Shqipëri.

 

28 Once Upon a Time (Albanian Screen TV)

Më pëlqen menyja e serialeve të huaja që transmetohen në Albanian Screen. Once Upon a Time është një nga dramat më të mira që mund të shfaqen në televizionet tona. Është një ‘gërshetim përrallash’ që nuk e ka të vështirë për të gjetur audiencën. Megjithatë nuk do të thosha të njëjtën gjë edhe për komeditë. Shumica e tyre janë komedi një-kamere dhe nuk përshtaten shumë me audiencën tonë, mendoj.

 

27 1001 net (Albanian Screen TV)

Halit Ergenc vazhdon të mbetet në ekranet e AS TV. Diçka më e butë se Sulltani, një dramë e butë turke, diçka që nuk është vërejtur deri më tani në kanalet shqiptare. Më ka pëlqyer për kohën sa është shfaqur në KTV. Ka një kast të mrekullueshëm, aktorë me përvojë, dhe një temë jo aq të rëndë. Ide e mirë e Albanian Screen TV për të sjell 1001 net.

 

26 The Voice Kids (Top Channel)

Sigurisht nuk është aq i popullarizuar sa formati kryesor, por megjithatë ofron një alternativë për të gjithë zërat aspirues që të konkurrojnë me bashkëmoshatarët e tyre. Është më i ‘dëmtuar’ prej formatit kryesor, por ia arrin t’ia dal. Më pëlqen më shumë se ‘Gjeniu i vogël’, por akoma nuk ka arritur të njëjtin nivel të popullaritetit. Me më shumë seriozitet nga stafi realizues, mund të bëhet edhe më i madh.

 

25 Fiks Fare (Top Channel)

Fiks Fare është format që po i reziston mplakjes. Komedia nuk ka qenë kurrë primare, por tani shpesh duket se është zhdukur. Pra, nëse e shihni për komedi, atëherë kërkoni alternativë tjetër. Megjithatë formati investigues, përkundër mungesës së ‘boom’-ave të nivelit të mëparshëm vazhdon të jetë në nivel të lakmueshëm. Kjo vazhdon ta mbaj në mesin e kanaleve më të mira në televizionet shqiptare.

 

24 Tjetri (Top Channel)

Kuiz interesant. Shtesë e mirë në programin e pasdites të Top Channel. Besoj që në sezonin e dytë stafi do të ketë më shumë përvojë dhe do të realizoj një program më të mirë. Është interesante të shohim Manushin në rolin e autorit të një emision që s’ka të bëj me Barcelonën!

 

23 100 Milionë (Top Channel)

Po mbijeton akoma pa Adi Krastan. Në fakt nuk kam parë ndonjë ndryshim të rëndësishëm. Eno Popi ka bërë punë të mirë. Është kuiz joshës, nuk teprohet falë vetëm një transmetimi në javë, nuk kërkon shumë kohë dhe mendime, është i thjeshtë dhe lehtësues.

 

22 Mad Men (Albanian Screen TV)

Njëra nga dramat më të mira, ose le të them drama më e mirë e shkruar që për momentin transmetohet në televizion vjen tek shqiptarët në një kanal kombëtar. Kjo është një dobi që duhet ta shfrytëzojmë të gjithë fansat e skenarëve të këndshëm dramatik. Nuk di sa rrezon tek ne kjo dramë, por e di që cilësia është prej më të mirave që mund të shohim në kanalet tona. I lumtë Albanian Screen që transmeton ‘Mad Men’.

 

21 Shqip (Top Channel)

Edhe një program simbol i brendit të Top Channel. Akoma vazhdon të qëndroj në transmetim përkundër shumimit ‘kërpudhor’ të debateve televizive. Shqip ka ruajtur origjinalitetin, formatin më ndryshe nga të tjerat që shënjohet me debate shumë të qeta dhe të kulturuara, pa britma, tema që nuk prekin të tjerët, por janë të rëndësishme, si dhe intervista e reportazhe të shkëlqyeshme kohë pas kohe.

 

20 Dribbling (Vizion Plus)

Ishte çështje kohe kur do të niste Dribbling, apo një program i ngjashëm sportiv në Vizion Plus. Kjo ndodhi këtë vit dhe si sezoni debutues nuk kam shumë çka për të kritikuar, pos që më pëlqen konkurrenca dhe do tu nevojitet punë dhe kohë për të gjetur një audiencë vërtetë konkurrente dhe fanse të emisionit. Mendoj që kjo mund të nis të vërehet në sezonin e dytë që është ‘fito ose shko’ sezoni për shumë emisione.

 

19 Desperate Housewives (Top Channel)

Seriali simbol i Top Channel ka përfunduar. Pas ‘Lost’ tani edhe ‘Desperate Housewives’ largohet për të lënë një hapësirë që assesi nuk mund të plotësohet nga një ‘Game of Thrones’ i redaktuar në masë të madhe. I radhis këtu si një mirënjohje për sjelljen tek publiku shqiptar i serialeve që i kanë dhënë identitet Top Channel. ‘Lost’ dhe ‘Desperate Housewives’.

 

18 Ora 5PM (Vizion Plus)

Tani, programi im i preferuar i pasdites në kanalet shqiptare. Ka arritur të mbetet origjinal, ashtu siç ishte projektuar, ka pasur ndoshta ndryshime jo të mëdha, por esenca, trajtimi i temave, zhvillimi i debateve, mbetet i shkëlqyeshëm sikur vitin e kaluar. Është zgjedhja ime primare për programet e pasdites për momentin.

 

17 Proçesi sportiv (Top Channel)

Këtë vit është përqendruar më shumë në futbollin shqiptar. Për më tepër besoj që duhet të kemi një spin-off për ligat ndërkombëtare. Këto që më interesojnë më shumë mua personalisht vinin në transmetim rreth orës 1 pas mesnate, që është vonë nëse ju nevojitet të zgjoheni të martën herët në mëngjes. Gjithashtu edhe repriza nuk të jep alternativë reale.

 

16 A Show (Vizion Plus)

Adi Krasta bën atë që bën më së miri. Është i lindur për këto lloje të programeve televizive, dhe thjesht shkëlqen. Ka pasur disa emisione jashtëzakonisht të mira, intervista të shkëlqyeshme që të kanë ngjitur para ekranit. Ka një termin jo të mirë, sidomos për neve fansave të futbollit për shkak të së martës së Champions, pra, gjysmën e emisioneve të sezonit ndoshta duhet ti shohim reprizë, ose të harrojmë të tërën. Por, sa herë që shohim, nuk mund të them që zhgënjehemi, së paku jo unë personalisht.

 

15 Top Story (Top Channel)

Akoma konkurron me Opinion, por thjesht nuk ka arritur pjekurinë që ka emisioni i Blendi Fevziut. Mungojnë debatet interesante, të baraspeshuara, të pavarura. Është emision i mirë që josh një pjesë të shikueshmërisë, por, akoma nuk ka arritur të mposht paragjykimet. Sidoqoftë, është mirë konkurrenca direkte dhe ‘guximi’ për të shkuar kokë me kokë me Opinion e mos të ikë në një ditë tjetër të javës. Më pëlqen që po ruajnë ‘të enjten politike’ të dyja kanalet. Është alternativë perfektë për ata që nuk shikojnë ‘Opinion’.

 

14 Zonë e ndaluar (Vizion Plus)

Vazhdon të jetë njëri ndër emisionet më të mira me ngjyrë politike. Më pëlqejnë shumica e reportazheve, sidomos ato që lundrojnë në të kaluarën. Ka një orar të mirë transmetimi, nuk ka konkurrencë të fortë në termin, dhe thjesht nuk ka asgjë të keqe. Të mirat mund ti numërojmë sa herë të duam. Më pëlqen si format dhe uroj të ketë jetëgjatësi.

 

13 Bar Sport (SuperSport)

Më pëlqen fakti që SuperSport po përqendrohet në realizimin e programeve origjinale, jo vetëm transmetimeve të ndeshjes. Bar Sport është program interesant, shpesh ka mysafir interesant, por mund të jetë edhe më i mirë. Më tepër koncentrohet në ‘bukurinë’ e prezantueseve se sa në opinionet e ekspertëve.

 

12 X Factor Albania (Klan TV)

Zhgënjimi im me adaptimin e këtij formati tek ne nuk mund të shprehet në këtë paragraf. Ka shumëçka që nuk shkon, që nuk funksionon duke nisur nga moderimi i Alketës, deri tek juria me anëtar si Tuna. Seriozisht, Tuna?! Kurrë nuk kanë munguar superlativët për performancat që rrallëherë do të kalonin mesatare, gjykime joreale, si dhe mosmarrëveshje në pikat kryesore si tek eliminimi se kush do të shkoj e kush do të mbetet. Si një fans i madh i X Factor-it britanik, versioni shqip më bën të vjellë.

 

11 Gjeniu i vogël (Klan TV)

I njëjti problem që kam tek X Factor ekziston edhe këtu. Seriozisht Klan TV, seriozisht Genta të na gjej gjeni neve shqiptarëve!!! Atëherë vallë halli për neve. Nuk është një model të cilin duhet të lakmojnë fëmijët gjeni (disa prej këngëve të saja kanë prejardhje të dyshimtë), e lëre më ekspertizën e saj në fushën e muzikës. Qyshdoqoftë rikthimi i Gjeniut po që është një veprim i duhur i Klanit, por kanë mundu të bëjnë gjë shumë më të mirë, e gjithashtu Rudina Magjistari më mirë do të ishte të mbetej me formatin e saj të pasdites.

 

10 Opinion (Klan TV)

Vazhdon të mbetet programi debatues më i frytshëm në kanalet shqiptare. Përvoja e Blendit e bën të veten, dhe nuk duket në horizont dikush që mund t’ia marr primatin. Më pëlqen ndarja e formatit, dy intervista 1n1, dhe një debat i gjerë të enjteve. I lejon hapësirë më shumë Klan TV që të vendos programe më argëtuese në primetime. Sidoqoftë nëse do të shihja politikë, apo debat, atëherë zgjedhja ime e parë në kanalet e Shqipërisë mbetet Opinion.

 

9 1001 Pse (Top Channel)

E shtuna ka kuptim në vjeshtë në Top Channel. Njëri ndër formatet më të këndshme në këtë kanal. Thjeshtë disa nga pyetjet e fëmijëve janë të mrekullueshme. Më pëlqen çiltërsia dhe pafajësia e tyre kundër personaliteteve të ndryshme. E edhe më të këndshme janë kur nuk ka kamera, e kur disa nuk çajnë kokën për mysafirët – ec e mos e pëlqe po mundje.

 

8 Kuzey Guney (Klan TV)

Tek Klan TV po arrijnë të ruajnë shijen e zgjedhjes së serialeve turke. ‘Kuzej Gynej’ veçse radhit edhe një sukses, për mendimin tim në sjelljen e serialeve turke në primetime. Është pasardhës i denjë për ‘Ezel’, dhe ka gjithçka që e karakterizon një serial të suksesshëm turk, pra gjithçka që ngop apetitet e fansave të këtyre programeve televizive. Më shumë jam i interesuar të shoh se çfarë do të sjellin pas ‘Kuzej Gunej’, të shoh se a do të mund të qëndrojnë në një linjë të duhur. Unë e kam emrin që do të kishte sukses, por a e kanë ata tek Klan, atë do ta shohim në sezonin e ri televiziv. Jo, sigurisht që nuk është ‘Shtëpiaket e dëshpëruara (turke)’ alternativa ime.

 

7 Nga e para (Vizion Plus)

Njëri nga emisionet më të dashura për shqiptarët. Gjithashtu edhe më të lakmuara. Për humanitetin, ndihmën që jep ky emision as nuk mund të mendohet për një pozitë tjetër pos asaj të parës. Por, realizimi mund të jetë një çikë më i mirë, e gjithashtu disa episode më shumë ndoshta do të kushtonin, rrjedhimisht, më shumë, por edhe do ta bënin edhe më të përkryer. Tashmë është një nga emisionet më të mira që mund të shihni në televizion, nga emisionet që ju bëjnë të ndiheni mirë.

 

6 Exclusive (Top Channel)

Kampioni ‘fatlum’ i vitit të kaluar zhvendoset në pozitën e gjashtë. Jo që nuk është në nivelin e sezonit të kaluar, por thjeshtë kemi një performancë më të mirë të Top 5. Exclusive ka sjell disa reportazhe të shkëlqyeshme këtë sezon, nuk ka dëshpëruar aspak, dhe gjithnjë kur kam kohë e shikoj. Mbetet një ndër programet më të mira të zhanrit të tij.

 

5 Ezel (Klan TV)

Si mëson shqiptarët të shohin seriale turke në prime-time?! Ju servon ‘Ezel’-in dhe krijohet një zakon që mund të vazhdojë me vite. Prej serialeve turke që kam ndjekur (e vërtetë ndjek, por shumica janë komedi), Ezel renditet në serialet më të mira turke të transmetuara në kanalet shqiptare. Meriton pozitën në Top10 serialet e transmetuara sezonin e kaluar në televizionet shqiptare. Ka krijuar një avantazh të madh për Klan TV, që po përcillet me ‘Kuzej/Gynej’ e që do të vazhdoj besoj me ‘Karadayi’ gjatë verës. Thjesht nuk ka alternativë më të mirë për momentin për të dominuar primetime e javës.

 

4 Portokalli (Top Channel)

Evoluimi i Portokallisë ndër vite nuk ka qenë ashtu siç ishte në fillim. Le të kthehemi në 4-5 sezonet e para. Zgjerimi, përmirësimi, i Portokallisë jo nga viti në vit, por edhe nga java në javë shkonte mirë e mirë. Për mua majat i ka pasur në vitin 2010, që nga atëherë kemi riciklim të skeçeve jo shumë komike (jo për mua si kosovar). Problem tjetër ka mbetur sjellja e talenteve të reja që nuk kanë arritur nivelin e yjeve që kanë bërë të famshëm këtë format. Vazhdon të mbijetojë falë karaktereve të Policit e Gjinit, por deri kur?!

 

3 Al Pazar (Vizion Plus)

Nuk është Agoni i Portokallisë, por nuk është edhe diçka e dështuar. Në fakt është format mjaft i suksesshëm që na ofron alternativë të shtunave që më parë dominoheshin nga Këngët e Shekullit (s’më intereson Big Brother). Agoni ka sjell disa nga karakteret më të pëlqyera që ka pasur tek Portokalli, por, ndoshta ka mundur të mbledh një ansambël më të suksesshëm. Vetëm edhe një emër nga Portokalli mund ta bënte akoma më interesant. Skeçet janë komike, janë të mira, nuk ka shumë banalitet. Megjithatë ajo pjesa kur Agoni është moderator është ajo…. si të them… ajo pjesa që na ‘qetëson’ dhe na detyron të pushojnë të qeshurat, të cilat duhet ti rinisim menjëherë në skeçin tjetër. Kjo nuk bën punë për mua, derisa pjesa tjetër është shumë e mirë.

 

2 Apartamenti 2XL (Vizion Plus)

Vendim i mençur për të heq qafe ‘Sketch Show’. Por, vendim aspak i mençur për pushimin e Ermalit. Megjithatë kasti i shkëlqyeshëm vazhdon të ofroj humor cilësor të dielave, më cilësorin në televizionet shqiptare. Transmetimi direkt në YouTube më ka ndihmuar mjaft personalisht mua, por shpresoj edhe shikuesve të tjerë të cilët kanë qenë në numër të bollshëm. Cilësia e komedisë nuk mungon, është format mijëra herë më i mirë se Sketch Show, një projekt që shyqyr që nuk u kthye. Finalja e madhe më në fund me Saliun do ti plotësojë ëndjet e kastit. Kujt do ti këndojnë më pas?! Berlusconit?!

 

1 The Voice (Top Channel)

Pa dyshim programi më i mirë në kanalet shqiptare. Formati i adaptuar në mënyrë fantastike. Zgjedhin talente dhe jo persona për turpërim publik si në garat e ngjashme. Suksesi i konkurrentëve nuk mungon. Juria është njëra ndër më së miri të përpiluara ndonjëherë në ekranet tona. Pjesa teknike është e mahnitshme. Të gjitha këto mjaftojnë për ta vendosur në pozitën e programit më të mirë televiziv në kanalet shqiptare për sezonin televiziv 2012-13. Vështirë të lëkundet nga kjo pozitë edhe sezonin e ardhshëm nëse vazhdojnë kështu.

 

Opinione

Neden Türkiyem, neden bunu yapt ın? Son yillarda Turkiyenin Eurovision’da muhteşem performanslari vardi. Sertab Erener’den sonra sanki Turkiye en iyilerin arasında bir yer olmuştur.

Ertesi yil, Athena’nın rock şarkısı bu müzik tarzın hayranlları kalbini çalmıştı. Gülseren ve Sibel Tüzün çok iyi değildi.

Kenan Doğulu şarkı söyleme tarzını, ama sonunda 4. sırada yer ile sonuçlanmıştır. O zamandan beri Türkiye, 2008 yılında Mor ve Ötesi dışında, ilk 5 her zaman sıralamada büyük bir gösterilerle yer aldı.

Geçen yıl Yuksek Sadakat performansı bir felaket oldu. Bu yıl Can Bonomo finalde kalması beni şaşırttı.

Her neyse, Türkiye son zamanlarda bana hayal kırıklığı yaratıyor. Bunun için tek kaldı şey benım içın Türkiye’den harika performanslar anılar.

Burada Eurovision Şarkı Yarışması hakkında Top 5 Türk sanatçıları var listeledim.

5. maNga – We Could Be The Same

4. Hadise – Dum Tek Tek

3. Sebnem Paker – Dinle

2. Athena – For Real

1. Sertab Erener – Everyway That I Can

Opinione, Televizioni

Edhe këtë vit si zakonisht, Telekomanda rendit programet më të mira në kanalet kosovare. Për dallim nga dy vitet e kaluara, këtë vit kjo listë është zgjeruar në 50 programe. Nga e hëna 7 maj e deri të premten me 11 maj, çdo ditë janë numëruar nga 10 programe duke nisur nga programi i renditur në pozitën e 50të deri tek programi më i mirë.

Programet janë renditur sipas mendimit kritik personal të autorit dhe nuk paraqesin ndonjë sondazh apo anketë të gjerë. Në listë janë përfshirë të gjitha programet që janë transmetuar ndërmjet periudhës Shtator2011-Maj2012 në kanalet kombëtare dhe ato kabllore kosovare.

50 Kombinati (K Channel)

Këtë listë, të parën e këtij lloji në shqip do ta hap me serialin Kombinati. Personalisht kam qenë shumë për anulimin e serialit Familja Moderne sidomos vitin e kaluar. Dy sezonet e fundit vetëm sa kanë lënduar imazhin e serialit që ishte bërë simbol i televizionit të pasluftës në Kosovë. Megjithatë RTK nuk ka ofruar asgjë më të hajrit pas anulimit të Familja Moderne. Kombinati duket të jetë një riformësim i Familja Moderne në një format paksa më ndryshe sa për të freskuar shikuesit. Është e vërtetë që disa karaktere të Familja Moderne si Daja e Longari na kanë munguar dhe shikimi i aktorëve që kanë portretizuar këto karaktere në role tjera është një risi e këndshme. Megjithatë vet koncepti i serialit nuk ofron diçka shumë kreative, arsyeja kryesore pse vendoset vetëm në pozitën e 50të.

49 Heroes (Klan Kosova)

Nuk jam fans i serialeve fantastiko-shkencore, por Heroes është njëri nga serialet më të mira të këtij zhanri që kam parë. Akoma mendoj që ka përfunduar para kohe dhe padrejtësisht është anuluar nga kanali NBC. I shfaqur së pari në Klan TV, rikthimi në Klan Kosova ka qenë një veprim shumë i mençur i këtij televizioni. Në përgjithësi Klan Kosova ka sjell disa seriale të shumë cilësore amerikane që disi na ka mbajtur të lidhur me elitën e serialeve amerikane. i pari në këtë listë është Heroes që po të transmetohej para disa viteve do të zinte vend së paku nja 30 pozita më lartë.

48 Kapital (RTK)

Dy emisione pothuajse të ngjashme për ekonomi në një kanal duken si shumë. E në fakt edhe ndoshta janë, por edhe pse nuk kanë ndonjë dallim shumë domethënës, Kapital dhe Subvencion megjithatë ndryshojnë jo vetëm në këtë renditje. Ajo çfarë nuk më pëlqen tek Kapital është orari i transmetimit që është të shtunave. Por, gjatë këtyre muajve që është duke u shfaqur ka ofruar disa debate dhe raporte mbi tema të llojllojshme gjë e cila edhe e vendos në skaj të kësaj renditjeje, por gjithnjë me një potencial për ngritje nëse kthehet në ekran gjatë vitit të ardhshëm.

47 Kult (RTK)

Përkundër viteve Kult vazhdon të mbijetoj në ekranet e RTK-së. Shpesh herë më ka rënë të shikoj këtë emision përkundër asaj që nuk jam shumë i dhënë pas temave që trajtohen. Arsyeja pse kam shikuar unë dhe shumë veta të tjerë besoj ka qenë pritja për fillimin e Oxygen. Me këtë dëshiroj të them që ndihmë të madhe ky emision ka marrë nga pozita ku transmeton dhe atë jo pse ndjek Debatin, por sepse i paraprinë Oxygen-it. Vet përmbajtja e emisionit është e nivelit më të lartë duke arritur të mbuloj të gjitha ngjarjet kryesore kulturore brenda atyre pak minutave që ka në dispozicion.

46 Bon Bon (RTV21)

Bon Bon vazhdon të mbetet emisioni më i mirë i pasdites së hershme në kanalet tona kombëtare. Për dallim me konkurrencën është zgjedhja më e mirë pasi ofron shumëngjyrshmi të informatave nga fusha të ndryshme. Ajo çfarë ka vazhduar të më pëlqej tek ky emision është udhëtimi nëpër qendra të ndryshme duke afruar emisionin me shikuesit dhe hallet e tyre. Gjithashtu edhe përzgjedhja e mysafirëve ka qenë solide.

45 Gossip Girl (Klan Kosova)

Gjithnjë kam konsistuar në atë që nevojiten më shumë seriale dhe programe cilësore për adoleshentët tanë. Transmetimi i One Tree Hill për nja dy muaj të verës së 2010tës në KTV ka qenë hapi më i mirë që është bërë në këtë drejtim, deri në fillimin e Gossip Girl në Klan Kosova. Dy seriale krejtësisht të kundërta për kah ambienti ku zhvillohen por me një bazament pothuajse të njëjtë. Gossip Girl është seriali që mbulon kategorinë serialeve për të rinj në Klan Kosova dhe siç kam përmendur tek Heroes, Klan Kosova ka disa seriale në këtë listë, edhe më lart se kjo pozitë. Personalisht Gossip Girl është një ndër serialet e mija të preferuara.

44 Amkademiku (K Channel)

Sa keni qenë të eksituar për rikthimin e Stupcave në televizion? Personalisht mëzi kam pritur. Por, transmetimi në televizion kabllor duke lënë më shumë se gjysmën e shikuesve potencial, dhe kur them gjysmën bëhem shumë zemërgjerë pasi ka shumë më tepër shikues që nuk shohin këtë prodhim të tyre ka qenë pak zhgënjyese. Asgjë kundër Kujtesa-s, por unë që nuk jam në qytet të vetmen mënyrë për të parë Amkademikun kam një episod promovues në faqen e tyre dhe video ilegale që së fundmi është vështirë të gjenden. S’dyshoj që meritojnë të renditen më lart, por ndoshta me fillimin e IPTV transmetimeve të Kujtesa atëherë mund të kënaqemi më shumë me komeditë e tyre të fundit.

43 2me1 (RTV21)

Ky emision vazhdon të mbetet emisioni më i mirë sportiv në Kosovë. Agim Binaku ka arritur të ruaj bukurinë e 2me1 duke ndryshuar gjithnjë vetëm për të mirë. Me mysafirë të veçantë të cilët gjithnjë ofrojnë një dozë analize racionale dhe mendjeholle për temat që diskutojnë padyshim që duhet të zë vend edhe më lartë në këtë renditje. Personalisht mendoj që është një ndër emisionet më të mira sportive debutuese në shqip krahasuar AS dhe Sporti Total.

42 Telekino (RTK)

Si programi i vetëm për filmin në kanalet tona kombëtare, Telekino ka arritur të mbaj shikuesit të informuar për të fundit nga bota e kinematografisë. Me edicione speciale nga Sundance Film Festival e Berlinale, Mirjeta Baraliu ka vazhduar të ofroj një atmosferë origjinale nga eventet më të mëdha të filmit. Vendosja në një orar prime-time, debatet në studio kanë bërë emisionin edhe më interesant dhe informativ për shikuesit. Megjithatë mos ofrimi i një orari të vazhdueshëm ka lënduar këtë emision që ka potencial të jetë ndër programet më të mira.

41 Superliga e Kosovës (RTK)

Transmetimi i Superligës së Kosovës në futboll ka qenë një gjë që do të duhej të ndodhte patjetër. Në fakt ishte mënyra e vetme për ringjalljen e shikueshmërisë, edhe ashtu të varfër të kësaj gare. Marrëveshja e DigiWorx me RTK që i lejonte kësaj të fundit të transmetonte dy ndeshje në xhiro ishte shumë e rëndësishme për ti dhënë një mbulueshmëri kombëtare kësaj gare, një zgjedhje më e dobishme në krahasim me transmetime të paguara. Edhe pse niveli i cilësisë ndoshta nuk është zhvilluar më shumë, ngjashëm si sjelljet e shikuesve, transmetimi i Superligës së Kosovës në futboll është një veprim shumë i mirë.

40 Super Gogo (RTK)

Nëse ekziston një departament në RTK që ka pasur sukses këtë vit padyshim është ai i programeve për fëmijë. Alfabeti magjik dhe Ne janë dy emisione shumë të mira dhe të përshtatshme për demografitë e tyre, por ai që vazhdon të shkëlqej padyshim është Super Gogo. Tashmë në sezonin e dytë nëse s’gabohem Super Gogo është një emision që duhej të shikoj gjithqysh të shtunave. Pos që ofron njohuri dhe informata të reja për fëmijët në mënyra atraktive dhe joshëse Super Gogo ofron argëtim edhe për të rriturit duke e shndërruar në një program familjar.

39 Dokumentari n’5e30 (RTV21)

Një termin i mbushur me dokumentarë shumë informativ dhe interesant ka qenë ora 5e30 pasdite në RTV21. Shpeshherë më ka rastisur të shoh këta dokumentarë nga fusha të ndryshme. Pikërisht ky diversitet më ka pëlqyer më së shumti për këtë këta dokumentarë. Dua të them kanë ofruar nga pak nga shumë fusha të jetës qoftë udhëtimet, letërsia, zoologjia etj. Megjithatë ka munguar reklamimi dhe mendoj që shumica e shikuesve edhe nuk janë informuar kurrë për këta dokumentar.

38 House (Klan Kosova)

Të pranoj që nuk jam një fans i madh i serialeve medicinale. Çdo episod del një sëmundje e re dhe si me pahir disa nga simptomat që kanë pacientët më prekin edhe mua për të dal krejt alarm i rrejshëm. Derisa disa të tjera si Grey’s Anatomy lidhin jetën profesioniste me atë të përditshme të karaktereve në një masë dhe mënyrë ta quaj të thjeshtë, tek House kjo ndodh në një mënyrë të veçantë. E kur tërë kësaj ia vëmë Hugh Laurie në rolin kryesor, atëherë na del një kombinim perfekt televiziv. E di se për mjekët karakteri i House është paksa i fryer, por për shikuesit e thjeshtë ai është njëri nga karakteret më të mira në televizion.

37 Koha për muzikë

Sa herë keni parë Mastroianin këmbëzbathur të hënave në KTV? Shumëherë! Duhet të pranojmë që kjo ishte e tepërt! Por, përjashto këtë KTV ka ofruar disa koncerte fantastike në këtë orar duke ofruar një alternativë perfektë karshi Kabare dhe ndonjë episodi të dobët të Kafeneja Jonë apo intervistave të papritura të kryeministrit dhe të tjerëve në këtë termin. Disa nga yjet më të mëdha të muzikës botërore kanë ardhur tek ne me anë të këtij emisioni duke na ofruar atë që pak e njohin këngëtarët tanë, muzikën live.

36 Rendez Vous (RTV21)

Tema dhe debate interesante për një sezon të tërë. Emisioni i vitit të ri ka qenë ndër më të mirë dhe më argëtuesit. Sidoqoftë në përgjithësi emisioni Rendez-Vous ka qenë një ndër programet më cilësore në RTV21. Në krahasim me Relax dhe 1 Kafe me Labin është në një nivel shumë më të lartë. Mënyra e udhëheqjes nga ana e autorit krijon hapësirë për një debat frytdhënës. Edhe pse studioja do të ishte më mirë me më pak ngjyrë të bardhë.

35 Fjalëkryq (Klan Kosova)

Zona B dhe Zona e Debatit janë arena që dominohen nga Baton Haxhiu varësisht prej mysafirëve të cilët dhe kthehen në një vegël për interesat e tij. Fjalëkryq është diçka më ndryshe. Në fakt të them krejt ndryshe s’besoj që do të ishte e ekzagjeruar. Debutuesit dhe mysafirët kanë më shumë hapësirë dhe moderimi nga ana e autorit është më i lirë më demokratik. Meriton të jetë pjesë e kësaj liste.

34 1 Kafe me Labin (RTV21)

Nuk është formati më i mirë që ka ofruar Labi ndonjëherë. Para dy sezoneve kur shëtiti krejt Kosovën ishte periudha më e mirë për këtë emision. Pastaj kaloi nëpër diasporën, një veprim jo shumë i dobishëm për mendimin tim, dhe së fundmi ka ardhur me një riformësim total të emisionit. Ajo çfarë më pëlqen është interaktiviteti me shikues të thjeshtë. Kjo e bën emisionin më të thjeshtë, më special dhe më të afërt me shikuesit. Ide e mirë, por megjithatë ka shumë mundësi për përmirësim. Këtë vit vetëm pozita e 34të.

33 Rrebelët (KTV)

Të rikthyerit që po korrin suksese. Një pyetje që më ka rastisur të dëgjoj shumë shpesh nga njerëzit, në këtë rast adoleshentët është “Kur transmetohet repriza e Rebelëve?”. Nuk dyshoj që është njëri ndër serialet epike për shikuesit kosovar, dhe rikthimi i këtij seriali në një cikël të ri sigurisht që konsiston me një gjeneratë që para 6 viteve ka qenë shumë e re për të kuptuar këtë serial dhe tani është në moshën e përshtatshme për këtë serial. A është kryevepër e këtij zhanri?! Nuk jam i sigurt, por për adoleshentët kosovar, Rebelët janë gjë trendi, diçka pa të cilën nuk mund të rritesh. Diçka si provim mature për të mbyllur shkollën e mesme J

32 Filmat në KTV (KTV)

Para dy viteve KTV nisi të bëj një “revolucion kinematografik” duke sjell tituj të kritikuar lartë dhe të suksesshëm në kinematë për të gjithë shikuesit kosovar dhe atë pa pasur nevojë të paguajnë për të parë këta filma. Personalisht ajo periudhë ka qenë një mini-parajsë për filmdashësit kosovar. Por, këtë sezon KTV na ka dëshpëruar me përzgjedhjen e filmave. Sidomos muaji prill ka filluar të kthej KTV-në nivelin e RTV21 dhe RTK të cilat nuk transmetojnë filma cilësor, së paku jo para festës të vitit të ri. Megjithatë duhet pranuar që RTV21 ka krijuar një termin të zakonshëm të shtunave duke shtyrë edhe Unë Jam Top Model shumë më vonë. Por, përzgjedhja e filmave mbetet e dobët, duke e lënë KTV shumë më lartë, akoma.

31 Koha e Paradites (KTV)

Vitin e kaluar Koha e Paradites ose më saktë Matinee ka qenë ndër programet më të veçuara. Akoma mbetet ashtu veç pse këtë vit është më poshtë në renditje shkaku i zgjerimi të kësaj liste. Ky emision të cilin shpesh e identifikoj vetëm me Matinee vazhdon të jetë emisioni i preferuar i mëngjesit për mua. Ofron disa tema interesante me mysafirë të zgjedhur dhe adekuat. Lidhja e dëgjuesve e bën edhe më informativ këtë emision, e ndonjëherë edhe më argëtues siç ishte rasti i asaj fanses së Behxhet Pacollit! Sidoqoftë emisioni është i një cilësie të lartë dhe shumë më thjeshtë dhe ngushtë se sa që ishte PFM më parë.

30 SinkroCinema (KTV)

Ky program është nga ata që i urrejnë dhe mendojnë se nuk kanë vend në televizion, sidomos në atë kombëtar dhe në ora 22. Njëkohësisht është ndër programet më interesante dhe të pështira në të njëjtën kohë. Varësisht prej filmit të cilin zërojnë dhe skenës ky emision nganjëherë di të ofroj argëtim dhe komedi cilësore për të rritur, por shpeshherë e teprojnë me banalitet. Zërat janë të shkëlqyeshëm, por mund të jenë më pak banal që të kënaqemi pa pasur nevojë të turpërohemi.

29 Dokumentarët në KTV (KTV)

KTV zakonisht ka sjell dokumentarët e BBC-së. Sigurisht që BBC është një ndër prodhuesit të dokumentarëve më të mirë në histori të televizionit dhe rrjedhimisht me anë të KTV-së kemi qenë në gjendje të shohim disa nga këta dokumentarë. Megjithatë mungesa e një orari të sigurt, dhe vendosja e tyre vetëm në mungesë të futbollit nuk ka mjaftuar. Pse të mos vendosen një natë në primetime gjatë javës si për shembull të hënave në ora 20, dhe në cilëndo ditë të javës nga ora 22:15. Këtë vit vetëm pozita e 29të për Dokumentarët në KTV.

28 Lale (KTV)

Definitivisht nuk është seriali im i preferuar turk që është transmetuar këtë sezon. Për më tepër jam befasuar me përmasat me të cilat flitet dhe rrjedhimisht edhe shikohet. Më është dukur shumë i përzier dhe disi si i butë. Edhe pse ajo sigla e fillimit është e mirë, ngjarja është shumë e komplikuar. Por, mesa duket njerëzve ju pëlqen. Janë për tu habitur komentet dhe vizitat që bëhen në kategorinë e këtij seriali në Telekomanda.com, ngjashëm si komentet e njerëzve të ndryshëm. KTV dhe përzgjedhësi i këtij seriali doli më i mençur se unë, por, megjithatë akoma vazhdoj të mendoj, dhe jam i sigurt që ka pasur mundësi të zgjedhnin diçka edhe më të madhe. Për këtë s’dyshoj.

27 Subvencion (RTK)

Emisioni debatues për ekonomi më i mirë në kanalet tona, pa dyshim. I nisur jo para shumë sezonave, emisioni ka arritur të siguroj një pozitë të qëndrueshme në skemë programore dhe të krijoj një baëz shikueshmërie të kënaqshme. Me trajtimin e shumë temave të duhura, aktuale dhe me mysafirë të theksuar në lëminë e tyre, Subvencion ka krijuar një imazh që vlerësohet nga shikuesit. Personalisht pos që është zgjedhja ime e preferua të hënave në ora 10 ndaj programeve tjera, mendoj që edhe ofron informata të dobishme në qoftë se ju interson fusha e ekonomisë.

26 Sulltani (RTV21)

Nuk ka vend në Evropën Qëndrore dhe Lindore, Lindjën e Mesme, dhe Afrikën Veriore që nuk transmeton Sulltanin. Ky serial është shpërthimi i produksioneve turke në mbarë botën. Kam pritur i eksituar këtë serial në televizionet tona dhe nuk jam i dëshpëruar. Personalisht nuk ndjeki vazhdimisht këtë serial, por mendoj se ka një cilësi solide. Të tjerët mendojnë që është i shkëlqyeshëm, por nuk është bash kryevepër. Shikueshmëria nuk mungon dhe ajo çfarë ka përcjell nga Ezel ka mbetur në një nivel, e edhe ndoshta është rritur.

25 La Liga (KTV)

La Liga për 36 xhiro është liga më e kotë në botë. Janë vetëm dy xhiro kur unë shikoj La Ligan, përkatësisht derbit ndërmjet Barcelonës dhe Realit. Për dallim nga unë, shumë shikues shikojnë 38 xhiro në vit pasi ose janë fansa të Realit ose Barcelonës. Unë s’jam dhe nuk më intereson shumë futbolli spanjoll. Këtë vit KTV ka bërë një hap të mençur duke mos transmetuar të gjitha ndeshjet e mundshme. Nëse nuk është asnjëri nga gjigantët në televizion ose nuk është një derbi, nuk ia vlen për të humbur një orar të mbrëmjes. Por, në vend të ndeshjeve kemi pasur filma, disa interesant disa jo edhe aq të mirë. La Liga më së shumti ka lënduar KTV-në duke ia hequr orarin e mbrëmjes gjatë fundjavës. Për këtë arsye Bundesliga dhe Premier Liga janë shumë më interesante dhe më të mira.

24 Talk (KTV)

Për Talk mendoj që është një ndër emisionet që zgjon kërshëri tek shikuesit e interesuar në botën e shoubizit. Në një mënyrë emisioni i afron estradën tonë me shikuesit duke i ofruar një këndvështrim tjetër, më personal. S’dyshoj që kjo zgjon interesim tek shikuesit, megjithëse personalisht nuk më intereson për storiet e shumicës së mysafirëve. Por, emision ka kreativitet dhe origjinalitet që meriton të vlerësohet me këtë pozitë.

23 Kubi ku zinë (KTV)

Kubi ku zinë është emisioni më i mirë i ri që ka ardhur në ekranet kosovare këtë vit. Ka shumë gjëra që e bëjnë këtë emision të shkëlqyeshëm, por ka edhe gjëra që i mungojnë. Të nisim nga moderatorja shumë modeste që arrin të shfaq një interesim të sinqertë për punën e kuzhinierëve në studio. Veshje adekuate, komunikim i qetë dhe kureshtar, dhe një shpërndarje kohe perfektë ndërmjet garuesve. Një studio e shkëlqyeshme, shumëngjyrëshe, e ndriçuar mirë të cilës i mungon publiku. Dy degustator të cilët vetëm humbin kohë sidomos me pavendosshmërinë e tyre për të shpallur fituesit. Këshilla ime: largojeni formatin e garës, thjeshtë bëjeni një mënyrë promovuese për restorantet dhe sillni shikues të cilët do të kenë nderin të shijojnë ato ushqime.

22 1001 Net (KTV)

Qëndroj akoma prapa fjalëve që kam përmendur vitin e kaluar se 1001 net është një serial që na sjell produksionin turk nga një këndvështrim tjetër nga ai që ishim mësuar të shohim. Derisa Jetë e Hidhur dhe Lugina e Ujqërve kishin ofruar seriale të përzier me dramë, aksion dhe triller, 1001 net sjell një dramë që përzihet me zhanrin familjar dhe ofron një dozë të bollshme romance. Ky serial ka arritur të marrë një shikueshmëri dhe muhabet të konsiderueshëm edhe në Kosovë siç kishte ndodhur në të gjitha vendet ku është transmetuar. Në fakt ka qenë një ndihmë indirekte edhe për shikueshmërinë e Sulltanit në RTV21.

21 Prive (RTV21)

Liberta Spahiu ka arritur të krijoj një imazh shumë të suksesshëm për Prive. Ky emision gëzon epitetin e emisionit elitar për fushën e shoubizit në televizionet kosovare. Intervista ekskluzive, trajtime të temave më të nxehta për rininë dhe fansat e fushës së shoubiz e kanë bërë këtë emision një përzgjedhje të parë edhe në krahasim me emisionet e zhanreve tjera. Personalisht nuk jam në demografinë që shikoj këtë emision, por e di që ka me mijëra veta që këtë emision e vendosin edhe në pozitën e parë të listave të tyre.

20 2 Plus (KTV)

Promoja, sigla fillestare ka qenë ndër më të dobëtat që kishte përgatitur stafi artistik i KTV-së. Sigurisht ka qenë një ditë me shi, apo pa diell që ka rezultuar me mungesë kreativiteti e që më pas është përmirësuar! Ideja e emisionit është e mirë, ka potencial, vërehet vullnet tek prezantueset, por akoma nuk është rahatuar, nuk ka krijuar identitet. Arsyeja kryesore koha e shkurtër dhe rubrikat e tepërta. Më mirë ka qenë prej 2 deri në 12, sesa 2Plus. Nuk nevojiten 10 orë, por mjafton 2 orë për të krijuar një emision fantastik që do të mund të dominonte mesditën e të dielave.

19 Ora e pasdites/Info-Magazine (Klan Kosova)

Pozita e 18 do të ndahet ndërmjet dy emisioneve të Klan Kosovas që pothuajse janë të ngjashme në disa përmasa. Debate frytdhënëse, informata aktuale dhe të freskëta në një termin mjaft të qëlluar. Moderimi ka qenë në nivel të lartë, duke e ngritur edhe cilësinë e emisionin. Ngjashëm edhe temat e trajtuara kanë qenë tema interesante për shikuesit dhe gjithnjë kanë qenë aktuale. Ora e pasdites dhe Info-Magazine janë emisionet e vetme që ndajnë një pozitë.

18 Express (KTV)

Vazhdon të mbetet njëri nga emisionet shtylla të KTV-së. Ka arritur të zhvillohet me kalimin në kohës duke vazhduar të ruaj primatin për magazinën më informative dhe më të mirë në televizionet tona. Gjithçka që ju intereson nga bota e filmit, muzikës, shoubizit dhe kulturës në përgjithësi nga skena vendore ofrohen në një pjatë që është Express. Mendoj që është emisioni më i mirë i këtij zhanri në kanalet kosovare.

17 Ezel (RTV21)

Pa dyshim seriali më i mirë turk në kanalet tona deri më tani. Serial të zhanrit dramë në gjuhën turke nuk kam parë gjatë tërë jetës. Dinamika nëpër të cilën zhvillohet ngjarja, misteri, storia, drama që ofron ky serial e bën një kryevepër të produksioneve televizive turke. Ka qenë i vetmi serial të cilin e kam shikuar deri në një pikë kur nuk kam arritur të ec me ritmin në të cilin transmetohet. Thjesht 10 orë serial turk në javë është tepër për mua. Fundin dhe pjesën tjetër kam arritur të përcjell në vete, dhe nuk jam i zhgënjyer aspak. Si çdo fund turk edhe ky nuk ishte më i duhuri, por ndryshe nga ato latinet, këto nuk të gëzojnë në fund. Suksesi më i madh i RTV21 me serialet turke të cilat janë bërë simbiozë me këtë televizion kombëtar.

16 Pa Skenar (RTK)

Njëri ndër programet më të mira në RTK padyshim. Autorja, Antigona Qena sjell nostalgjinë televizive për të gjithë ata që kanë shikuar televizion edhe para këtij shekulli. Ka pasur disa emisione shumë të mira, interesante, e sidomos e kujtoj atë me dy komedienët e paraluftës, Ibrahim Krajkovas dhe Rasim Thaçit. Ky emision mendoj që ka qenë qershia mbi tortë për këtë sezon të Pa Skenar, në mesin e disa emisioneve të shkëlqyeshme. Shpresoj të rikthehet edhe sezonin e ardhshëm duke na freskuar edhe më shumë kujtimet tona.

15 Europa League (KTV)

Më në fund edhe Europa League erdhi në kanalet kombëtare kosovare. Me nga një ndeshje në javë zakonisht, KTV arriti të mbaj një balancim duke ofruar vetëm ndeshjen më interesante për shikuesit. Ishte fati i KTV-së që disa nga skuadrat më të forta u mënjanuan nga Liga e Kampionëve duke sjell derbi edhe më të mëdhenj në Europa League. Kjo garë doli të jetë një blerje e shkëlqyeshme e Kohavisionit.

14 Ora 7 (Klan Kosova)

Përkundër stafit që shpesh di të mbaj një qëndrim indiferent dhe mendjemadh ndaj shikuesit ky emision është njëri ndër më alternativët në televizionet tona. Mënyra inovative e realizimit, interkonektimi ndërmjet moderatorëve, interaktiviteti me shikuesit, mbulimi i temave të gjithanshme, dhe një “mirëmëngjesi” i veçantë për të gjithë poseduesit e kabllorëve ose satelitorëve ka qenë ajo që e bën këtë emision special dhe dukshëm më të suksesshëm se të tjerët. RTV21 ka një program mëngjesi solid, ngjashëm si RTK, derisa ajo që dëshpëron është KTV, që nis lajmet në një ambient që duket si i përgjumur dhe seriozisht pas Interaktivit të një nate më herët kush është i interesuar për lajme në mëngjes, thuajse ka ndodhur diçka ndërmjet atyre 6 orëve të natës. Ora 7 mbizotëron mbi emisionet tjera në mëngjes.

13 038 Live (KTV)

Definitivisht magazina më e mirë për kryeqytetin. Edhe për këtë emision kam pasur dyshime nëse do të funksiononte pesë herë në javë. Jam gabuar, pasi po funksionon për mrekulli së paku deri tani. Pos temave ditore ka trajtuar edhe tema për historinë e kryeqytetit duke ofruar informata të reja që jo domosdo kanë qenë të lidhura me aktualitetet. Megjithatë transmetimi shumë i ngushtë ndërmjet reprizës dhe origjinalit, që nuk është problem vetëm për këtë program, është i panevojshëm. Përndryshe një program shumë informativ.

12 Exclusive (Klan Kosova)

Njëri ndër emisionet më të mira në kanalet tona. Një dokumentar që nuk përqendrohet vetëm në luftën e fundit siç ndodh me dokumentarët e RTK-së, por që thellohet nëpër tema të ndryshme të cilat kanë relacion ndërmjet epokave të ndryshme. Dikush mund ta përziej emrin me atë emisionin që transmetohet në Top Channel, por duhet të pranoj që të dyja janë të shkëlqyeshme, të ndërtuara ashtu secila në mënyrën e vet. Padyshim emisionin më i mirë në Klan Kosova.

11 Cosmo (KTV)

Shumë lëvizje nëpër skemën programore të KTV-së për tu pozicionuar në fund të javës punuese, të premteve në ora 22:30. Përkundër orarit jo shumë të favorshëm, Cosmo ka arritur të sjell disa tema shumë interesante, e më së shumti duket të ketë zgjuar interesim intervistomi i Besarta Jasharit në fillim të marsit. Është një emision i mirë që meriton një orar më të mirë, ndoshta para lajmeve kryesore në ndonjë ditë të caktuar të javës.

10 Drejtësia në Kosovë (RTK)

Një spin-off program nga Jeta në Kosovë që ka arritur të gjej audiencë lojale brenda një viti të transmetimit. Ajo çfarë nuk pajtohem me këtë emision është koha e transmemit pasi thjesht të dielat mendoj që duhet të jenë për programe argëtuese. Vet formati i emisionit është i shkëlqyeshëm. Sjell intervista interesante me tema dytësore të Jeta në Kosovë e të cilat në fakt nganjëherë janë edhe më interesante se ato të JNK. Rubrika Policia mendoj që është pjesa më e preferuar e këtij emisioni jo vetëm për mua por edhe për numrin e konsiderueshëm të shikuesve. Mua më kujton në një mënyrë emisionin Cops. Për momentin emisionin është duke shkuar mirë dhe me plotë meritë vendoset në Top 10 emisionet kosovare për sezonin e kaluar televiziv.

9 Fehi’s Show (RTV21)

Emisioni më i mirë në RTV21. Në fakt i vetmi që kalon serialet turke. Fehmi Ferati ka arritur të sjell një format të ri të emisioneve në ekranet tona. Njërin ndër formatet më të preferuara për mua të programeve amerikane, ato të natës së hershme. Ka provuar të marr shembull nga Jay Leno, që në fakt nuk është ndër të preferuarit e mi, por, nuk ka shtuar edhe kreativitetin e tij në emision, me të cilin jemi mësuar në prodhimet e tij të mëhershme ku thjesht ka qenë i shkëlqyeshëm. Personalisht mendoj që ka shumë punë për të bërë në perfeksionizmin e Fehi’s Show nëse krahasohet me ato emisionet simotra amerikane. Por, për vitin e parë ka bërë mjaft duke u adaptuar në një rol jo të lehtë, e krahasuar me emisionet tjera kosovare, sigurisht që meriton të jetë në mesin e dhjetë më të mirave.

8 Liga e Kampionëve (RTK)

Sa kuptim ka RTK pa Ligën e Kampionëve? Imagjinojeni të martat edhe të mërkurat pa futboll, ashtu siç ndodh nga mesi i dhjetorit deri në mes të shkurtit. Kemi dhjeëtra emisione informative dhe një ton dokumentarësh për luftën e fundit. Herë pas here ka ndonjë film, dhe nganjëherë episod të ndonjë seriali që nuk ja vlen të filloni ta ndiqni pasi kushedi se kur do të transmetohet episodi vijues. RTK pa Ligën e Kampionëve nuk ekziston të martën dhe të mërkurën.

Kur ka futboll është ndryshe. Këtë vit ka pasur shumë ndeshje interesante në vjeshtë, përballje gjigantësh, e finalet e pranverës kanë ofruar ajkën e futbollit evropian. Nuk dyshoj që disa ndeshje kanë sjell shumë shikues para ekranit të RTK-së, por duhet të bëjnë diçka që të ngushtojnë formatin 16/9 në 4/3 pasi shpesh nuk duket topi në fushë. Këtë problem e ka edhe KTV. Gjithashtu edhe më shumë ndeshje të komentuara të Agron Berishas do të ishte e mirëseardhur, kuptohet nëse fitojnë të drejtat për tri vitet e ardhshme.

7 Lajmet e KTV-s (KTV)

Lajmet më të pavarura në televizionet tona padyshim. KTV ka arritur të ruaj një paanshmëri dhe rezistencë ndaj pushtetit duke ofruar gjithnjë lajmet më të pavarura dhe më të sakta tek shikuesit tanë. Mbulimi i protestave të shkurtit ka qenë ndër pikat më të forta të departamentit të informacionit të KTV-së këtë sezon. Gjithashtu transmetimi i lajmeve në ora 7 në mbrëmje vazhdon të jetë orari më i mirë për mendimin tim në televizion. Edhe Klan Kosova është munduar të mbuloj gjerësisht ngjarjet e sezonit të kaluar, përfshirë edhe protestat. Megjithatë transmetimi i lajmeve në ora 8 në mbrëmje, sidomos gjatë vjeshtës dhe dimrit kur bie terri në ora 4-5 na bën të ndihemi si spanjoll që han darkë në ora 22. Nëse janë të guximshëm le të vendosin të gjitha televizionet lajmet në të njëjtën kohë, dhe jo tu lejojnë ithtarëve të politikës (disa pleqve zakonisht) nga 3 orë lajme të vazhdueshme në mbrëmje.

6 Milioneri (RTK)

Më duhet të pranoj, Milioneri ka filluar të humb “zjarrin”. Fillimi i Agron Llakajt, njëri nga personalitet e preferuara të mija në televizion ishte i mahnitshëm. Ai akoma vazhdon të jetë ai që ka qenë gjithmonë, i hareshëm me batuta të kohëpaskohshme dhe tregime joshëse dhe interesante për shikuesin. Por, ajo çfarë më pengon mua dhe shumë të tjerëve është ndihma që u jepet disave sidomos në pesë pyetjet e para në lojë. Po të mos ishte frika që do të gaboja në pesë pyetjet e para, edhe unë do të konkurroja në Milioner. Dua të them që standardi i kuizit më duket se ka rënë me këtë pasi ka filluar të duket si një emision që të jep rastin e dytë dhe nëse je i shpejtë në përzgjedhje siguron 250 euro. E kur jemi tek 250 euro, shumat të cilat shpërndahen janë komike. Nëse vlerësojmë një mesatare prej 3500 eurove për çdo emision (dy veta të arrijnë në pyetjen e 10të pasi edhe nuk do të mjaftonte më shumë kohë), bën një total prej 14 mijë eurove në muaj që është më pak se sa që paguan RTK për një episod që transmeton. Grand Media është koha të shpërndani më shumë para, pasi për këto vite vetëm dy veta kanë arritur në pyetjen e 15të nëse s’gabohem.

5 Oxygen (RTK)

Emisioni i vitit të ri i Oxygen ishte më i miri i sezonit. Që nga atëherë emisioni ka ndryshuar goxha shumë, është larguar Jehona Ferati, është ndryshuar sponsori dhe moderimi i emisionit vetëm nga Besim Dina na është dukur risi. Mysafirët kanë qenë të përzier, por duhet të urojmë punën e Besim Dinës për ti dhënë hapësirë shtresave të ndryshme sociale duke rritur edhe vetëdijën e qytetarëve për ato shtresa. Ka pasur mysafirë shumë interesant dhe të njohur, të cilët thjesht na kanë kënaqur me tregimet e tyre. Emisioni zgjat paksa shumë, shpeshherë deri në ora 1 gjë që ka bëër në zvogëlimin e interesimit për shikuesit e hershëm. Megjithatë rikthimi të premteve në ora 10 është shumë më mirë dhe më i frytshëm se vendosja në ora 3 të dielave. Por, mund të vendoset edhe më herët, diku rreth orës 9 dhe të mbyllej siç duhet, para mesnate, pasi thjesht kujt i interesojnë debatet politike të premtave.

4 Jeta në Kosovë (RTK)

Dy sezonave të fundit Jeta Xharra po është shumë më pak e angazhuar në këtë emision. Pa marrë parasysh se sa të suksesshëm janë udhëheqësit e rinj të emisionit, debatet me Jeta Xharrën në rolin e moderatores janë më ndryshe, më të veçantë. Emisioni vazhdon të debatoj dhe të trajtoj tema të ndryshme aktuale që zgjojnë interesim tek shikuesit. Gjithashtu pjesa hulumtuese është në nivelin më të lartë që ka qenë ndonjëherë duke e vënë emisionin në njërën nga shtyllat kryesore kundër korrupsionit dhe padrejtësisë. Vizita nëpër qendrat spitalore nëpër Kosovë ka qenë ndër rubrikat që më ka pëlqyer më së shumti këtë sezon në këtë emision. Edhe këtë vit Jeta në Kosovë vazhdon të jetë njëri ndër emisionet më të mira në Kosovë dhe padyshim më i miri në kanalin publik, RTK.

3 Kafeneja Jonë (RTK)

Programi më i mirë i dy viteve të kaluara sivjet është renditur vetëm në pozitën e tretë. Kjo jo medoemos ka lidhje direkte me rënien në cilësi të serialit pasi edhe dy emisionet që renditen më lartë kanë pasur suksese të jashtëzakonshme gjatë kësaj periudhe. Megjithatë Kafeneja Jonë nuk është ajo Kafeneja Jonë e para dy viteve. Me keqardhje e them që seriali ka filluar të plaket. Kjo vjen si pasojë e kreativitetit të pamjaftueshëm dhe adaptimit ndaj ndryshimeve. Sezoni nisi me Lejlan duke premtuar risi, të cilat për disa javë u bënë bajat pasi i vetmi person që nuk u lidh me të ishin karakteret femra. Më pas ishte ai ndryshimi me karakterin e Bekimit. Ndryshimi i karakterit të tij nuk më kishte pëlqyer as herën e kaluar. Gjithnjë kam sugjeruar që të zhvendosin serialin në katund duke i dhënë më shumë hapësirë Fekës dhe një pjese të vogël të karaktereve. Kjo do të bënte shikuesit të ndjenin mungesë për shumicën e karaktereve të zakonshme dhe pas një aventure 10-15 episodesh të rikthejnë serialin në ambientin ku tashmë zhvillohet për disa vite. Mendoj që kjo do të funksiononte duke ia zgjatur jetën serialit para se të shuhet kah sezonet e fundit siç kishte ndodhur me Kafeneja Jonë.

2 Interaktiv (KTV)

Interaktiv është bërë edhe më interaktiv këtë vit. Me përfshirjen e komenteve nga Facebook dhe Twitter, ky emision ka arritur të krijoj një mini-revolucion në mediat tona. Ndoshta edhe është emisioni më i mirë në televizionet tona, por shumë herë na ka lënë pa gjumë dhe për këtë s’do ta vendos në pozitën e parë. Dhe për arsye se akoma ndjej nostalgji për komeditë e orës 11:30 në mbrëmje të KTV-së. Shakatë mënjanë ky emision është i mrekullueshëm. Është diçka si “Natën e mirë, fëmijë”, por, për të rritur. Nuk keni nevojë të dëgjoni asnjë lajm apo debat gjatë ditës, pasi të gjitha i gjeni të përmbledhura në Interaktiv para se të shkoni të fleni. Lajmet kryesore të ditës të shtjelluara dhe të diskutuara, pos ndërmjet moderatorëve edhe me mysafirin që ka lidhje direkte me temën kryesore të ditës. Sporti në KTV ka ruajtur formatin duke u zgjeruar edhe me diskutim ndërmjet moderatorëve. Rubrika për fotografitë e ditës, përmbledhja e shtypit, e deri tek komentet dhe pyetjet e shikuesve jo vetëm me e-mail e SMS por tani edhe me Facebook e Twitter, e bëjnë këtë emision prej më të mirëve në Kosovë. E mbi të gjitha udhëheqja nga moderatorët më të mirë kosovar të udhëhequr nga Xhemajl Rexha dhe Aurora Susuri e bën këtë emision thjesht të pakrahasueshëm me të tjerët.

1 Rubikon (KTV)

Të transmetosh tri herë në javë emision debatues mund të duket e tepërt. Në fakt edhe personalisht kam pas dyshime nëse do të ketë sukses ky format i ri. Duhet të pranoj që jam befasuar me suksesin që ka arritur ta tregoj Adriatik Kelmendi me Rubikon. Cikle të reja si Rishikimi i Historisë dhe Pa Kravatë kanë arritur të sjellin disa nga episodet më interesante në televizionet tona. Adelina Ismaili, Blendi Fevziu, dhe dy herë Hashim Thaçi kanë mjaftuar për të ofruar episodet më cilësore të Rubikon këtë sezon. Është mënyra se si Adriatik Kelmendi udhëheq emisionin duke mos ndërprerë fjalën e mysafirëve dhe në të njëjtën kohë duke mos i lejuar hapësirë të tepërt. Shpërndarja e kohës ndërmjet debatuesve dhe zgjedhja e temave, sidomos tek Pa kravatë, kanë qenë anë të suksesshme të këtij emisioni. Është e pamundur të gjesh ndonjë fjalë apo koment negativ për emisionin, pos nëse ndjehesh “i lënduar” dhe në hall si bashkëpartiakun yt. Nëse flasim për paanësi dhe korrektësi në debate politike atëherë mos kërkoni ndokund tjetër. Këtë e gjeni në programin më të mirë në kanalet kosovare për sezonin 2011-2012.

Luan Morina

Kritik për TV&Film

Opinione

A pini kafe? Unë jo. Së paku jo kafe turke, kafe që gjithmonë kemi pirë si komb. Ka ni shije interesante që nuk më lë përshtypje kushedi sa mirë ta përgatisë. Megjithatë, Valbona i bën diçka kafet e mira. Jo shumë të mira, por mund t’i pijë lehtë. Ndoshta ambienti, atmosfera është më ndryshe tek ata, edhe kafeja shkon më lehtë.

Sidoqoftë unë do të përqëndrohem në mjeshtrinë e përgatitjes së kafes. Sado që të duket e shijshme kafeja e Valbonës, megjithatë ajo nuk ka ndonjë mënyrë të veçantë që të bëhet kafe e mirë. Zakonisht është import nga Zvicra, për atë duket e shijshme besoj. Po, Valbonë kafeja është e mirë, jo mënyra si e përgatitë ti.

Është mërzi të përgatisësh kafe. Duhet të qëndrosh mbi zjarr, deri sa të valojnë. Pastaj e hedh në filxhan dhe kryhet. Lehtë duket, por nuk është. Të përgatisësh kafe është një, gati se, art.

Pse? Kjo është pyetja të cilën nuk preferojnë të ma bëjnë tjerët, pasi që vijon me një përgjigje të gjatë që shpesh mund të kaloj teoritë filozofike.

Së pari duhet të matet madhësia e filxhanit në mënyrë që të përcaktohet sasia e ujit, kafes, sheqerit. Nëse kurrë nuk ndryshojmë këto sasi pa marrë parasysh se në çfarë filxhana e shërbejmë atëherë kafeja nuk do të jetë gjithmonë e mirë. Në rregull, shumica e dijnë këtë, mirëpo proporcionaliteti i shtimit apo zvogëlimit të sasisë në bazë të madhësisë së filxhanëve nuk është lehtë të dihet. Badihava është të matet me lugë apo edhe me gram. Mjeshtëria është ta matësh me mendje. Nëse arrini që gjithmonë të masni sasinë që duhet shtuar apo larguar varësisht nga filxhani atëherë jeni gati të bëni kafenë e përkryer. Por, jeni edheshumë larg.

Zjarri apo nxehtësia, apo qysh të keni qejf thuani, aty ku e v’loni kafenë duhet të përshtatet me fazat e përgatitjes së kafesë.

Temperatura duhet të jetë konstante në fillim, deri në fazën përfundimtare ku duhet të ulet për t’u përshtatur me nxehtësinë e kafesë, pra temperatura duhet të jetë pak më e lartë se e kafesë, pasi që kafeja tani është kryer dhe nuk kemi nevojë ta  v’lojmë edhe një herë, dhe si pasojë do të derdhet kafeja, do të humb kajmaku, do të zhytet hapësira ku përgatisim, shporeti apo ku do që e përgatisni.

Dikush ngutet dhe në v’limin e parë të kafes e hedh gjysmën në filxhan, kinse dhe për të bërë pak më shumë kajmak, v’lon edhe pjesën tjetër, dhe kafeja është “e përkryer”. Ajo nuk është asgjë tjetër, pos ujë i pazier me kafe.

Megjithatë pjesa më e rëndë e përgatitjes së kafes, është bartja e saj deri tek ai që do ta pijë atë. Kjo ndoshta është e vetmja pjesë ku duhet të bëjë përmirësime.

Uh, nuk ju tregova mënyrën si përgatis unë kafetë. As mos prisni. Është sekret i imi, dhe do të bindeni kur të pini kafenë që përgatisë vetë unë.

p.s.

Nuk osht bash leht me maru kafe.