shkrime për filma, seriale, sport, e filozofi jete
Në fillim pata planifiku me shkru mas çdo ndeshje, ama angazhimet e shumta si gjithmonë m’kanë lanë pa shkru, e në disa raste m’kanë kursy edhe prej kokëdhimbjeve që ka ofru ndeshja me Sampdorinë të cilën e kom kqyr qysh ja bojke gjyshja jem, ‘copa-copa’. Fatkeqësisht i kom pa copat ma t’kqija, prej t’kqijave. Sidomos Zapatën!
Me Romën kemi lujt mirë. Bajagi mirë, Continue reading
Gjë e mirë është që Montella pranoi që duhet të lëvizemi drejt mbrojtjes treshe! Mirëpo ka nevojë për kohë. Koha është e keqe. Ma e keqe se shpresa e cila mund ta çmend njeriun, qysh ka thënë edhe i madhi Morgan Freeman tek ‘The Shawshank Redemption’!
Nëse se keni pa këtë film, atëherë dijeni që jeni njëfarë Riccardo Montolivo në veti nëse krenoheni që keni parë filma!
Koha është e vyeshme edhe disa prej neve kanë çerek shekulli që përjetojnë të diela kësisoj. Thashë, koha është më e keqe se shpresa, ama paramendo ti bashkosh të dyja!!! Pas shumë kohëve ne kemi shpresë që do të jemi ekip i hajrit! E dimë që titulli është çmenduri, e pozita e tretë e katërt kërkon kohë.
Ama njëjtë sikur Sirius Bllek ne e kemi kalu kohën tonë.
Katër viteeeeeee!
Shyqyr Zotit dy prej tyre i ka kalu në spital! Riccardo Montolivo osht muuuuuuttttttt në çdo pjesë në fushë! Edhe si mbledhës topash, apo si stjuardesë në shkallët e stadiumit!!!
Më e keqja është ndër pak gjërat e mira që ka pa Vincenzo Montella pas lojës ka qenë që Biglia dhe Montolivo kanë qenë më të mirët!!!!!!!
Koha…
Prej asaj ndeshjes në Kupën e Hekurudhave Ruse kemi pritur Abaten të bëhet një mbrojtës i denjë i krahut të djathtë. Diego Milito!
Dhe vjen dita kur shohim që Abate është loçkë në krahasim me Davide Calabrian. Nuk ka arsyetim! Duhet ta fusim në thes edhe ta humbin në mal!!! Ndoshta ta përjetoj fatin e katragjyshërit të tij i cili me gjasë ka themeluar Kalabrinë pasi është rritur nga ndonjë pandë në malet e Kalabrisë! Pandë, pasi veç pandat që janë më përtace se Davide!
Bash me qejf isha ndal pak edhe tek Cutrone i cili ishte në zjarr. Ka muaj, ndoshta edhe vite që kam përmend se Cutrone është i përkryer për sulmues! Por, si i treti apo i katërti në këtë ekip! Ai njëmend jep gola kundër Shkëndijes, Craiovës, e Cagliarit, ndoshta edhe atyre ekipeve U19 a U21, por kundër Lazios. Po e lë në bankën rezervë Kalinicin e Silvën e po i beson Cutrones. Borinitttttt!
Montellas nuk bën ti japim shumë kohë. Sepse adaptimi me 3-5-2 do të marr kohë. Edhe nëse ne parapërgatitemi të luajmë, pastaj të adaptohemi në këtë formacion, vjen prilli edhe bashkë me të Sassuolo, Napoli e Torino edhe jemi përsëri në atë rrotën e pranverës duke provuar të sigurojmë një vend në Evropë!
Pak analizë…
Bonucci nuk është Bonucci në mbrojtje me 4. E kemi përmend disa herë këtu! Çalhanoglu luan në pozitën në të cilën ka luajtur Montolivo sot. Montolivo ka përzier edhe hesapet e Kessies në mesfushë. Borini ngjashëm si Cutrone – mund të përballet me Benevento, por jo me Sassuolon e SPAL-in! Susos krejt ia dimë idetë, edhe nuk mjafton vetëm një që të sulmojmë. Kemi fjet në pjesën e parë në sulm. Të dytën kanë ra me fjet edhe mbrojtja.
Prapë, ma mirë sot se në një natë dhjetori në Veronë!
Nuk ka transferime. Ka kohë, ama nuk ka transferime, edhe shyqyr Zotit që mas krejt ktyne viteve e kemi ni ditë t’fundit t’rehatshme!
Isha ndal pak tek Continue reading
Hakani
Problemin ma t’madh këtë sezon tutna që Continue reading
Kosova
Nëse shikoni politikanët në pushtet, llogaritë e tyre në rrjetet shoqërore, e shihni si promovojnë tregime nënçmuese për opozitën. Derisa nuk japin përgjigje për problemet aktuale, ministra e zëvendësministra bllokojnë kosovarë, vetëm pse flasin të vërtetën, ose kërkojnë përgjigje në këto pyetje. Nuk besoj se Berlusconi ka mësuar nga këta, përkundrazi, mendoj që shumica e këtyre kanë ndjekur politika të Berlusconit e njerëzve të tjerë që kanë shkatërruar publiken. Berlusconi nuk ka kursyer as privaten.
Skenari rinor – pjesa 2
Di Marzio konfirmon që Berlusconi do Brocchin për trajner. Qëllimi është që të ketë një Milan sa më italian dhe të angazhohet të rinjtë. I njëjti mision ka qenë me Inzaghin. Në periudhën e tij kishim kapiten legjenda si Muntari, dhe lojtarë standard si Essien. Asnjë i ri nga akademia nuk kishte nisur ndeshje atë sezon. Tashmë kemi provuar këtë skenar dhe ka dështuar. Tmerrësisht!
Galliani kërkon Lippin, por do të provoj të shtyjë një bashkëpunim ndërmjet Lippit dhe Brocchit. I dyti ka një taktikë tipike italiane, defensive pa shumë kreativitet, edhe pse është më i mirë se gjithkush që ka pasur Italia para e pas tij. Por, dikush që nuk arrin të ruaj punën as në ligën kineze, si mund të jetë i denjë për Milanin?!
Sinisha
Mihajlovic nuk është trajneri më i mirë në botë. Por, së paku ka guxim, e kjo është shprehur më së miri me angazhimin e Donnarumës. As Ancelotti nuk do të kishte ndërmarr një hap të këtillë, sot e një mijë vjet. Ai ka pasur frikë të angazhoj të rinjtë, dhe për atë Kalaci hante gola nga 40 metra në Ligën e Kampionëve. I është frikësuar ndryshimeve.
Sinisha nisi me Calabrinë e Elyn, nisi me Milanin e të ardhmes. Vazhdoi deri nisën kritikat publike të Berlusconit dhe presioni medial. Ai është një njeri pa punë. Nuk ka shanse të vazhdoj pas qershorit. Është punë e kryer.
Tragjedia më e madhe është nuk është faji vetëm tek ai. Është i shkëlqyeshëm në menaxhimin e lojtarëve. Por, kur s’ke çka të menaxhosh, nuk mund të hysh vet të luash. Jam i sigurt se Sakic me këtë moshë që ka do të angazhohej në mbrojtje më shumë se tre qendërmbrojtësat e dytë që i kemi, e edhe Mihajlovic do të vraponte më shumë se Menez e Balotelli së bashku.
Problemi
Lojtarët janë problemi. Strategjia e blerjeve është problemi. Janë probleme më të mëdha se trajneri i cili ka bërë maksimumin nga ky ekip që ashiqare është duke u kontrolluar nga Raiola. Ekip i mbushur me lojtarë që bash në fjalët e Albertinit nuk janë të denjë për këtë Milan, e Sacchi s’do të kishte lënë as të mblidhnin topat. Thënie e të vërtetës edhe 11 fitore nga 22 ndeshje i kishin kushtuar me punë Seedorfit.
As Sacchi, as Ferguson, as Guardiola, as Emery, askush s’do të mund të bënte më shumë se kaq me këtë Milan. Pos Fiorentinës, të katër ekipet që renditen para neve në tabelë janë më të mira se ne. Kanë lojtarë më të mirë, kanë menaxhim më të mirë, nuk blejnë vetëm lojtarë me kontratë të skaduar, apo sulmuesin e tretë të Juventusit për 12 milionë, ose një lojtarë që nuk zë vend në Romë për 20 milionë.
Politika
Berlusconi po bë të njëjtën politikë si kosovarët në pushtet. E dimë që ekipi është i keq, e dimë që duhet të investohen paratë, e dimë që duhen njerëz më të rinj në menaxhimin e transferimeve dhe politikave teknike të klubit (jo vetëm ato financiare), ama ja po e largojmë trajnerin edhe këtë vit se krejt fajet i ka ai.
Largimi i Mihajlovicit nuk është fundi i botës. Por, largimi i trajnerëve është bërë si përgjigje ndaj krejt këtyre problemeve tjera, të cilat shukaten me largimin e trajnerit. Largohet Allegri, largohet Seedorf, largohet Inzaghi, largohet Mihajlovic,, dhe pos emrave të trajnerit asgjë nuk ndryshon. Asgjë!
Është politikë e plakur, politikë ballkanike, politikë e dështuar!
Është vështirë të kuptosh rrugën në të cilën lëviz Milani. Kjo ndodh shpesh. Derisa në verë shiti gjithçka të vlefshme, këtë e vazhdoi edhe në fillim të dimrit, për të blerë diçka më të hajrit në fund.
Personalisht kam përkrahur politikën e transferime të verës për largimin e Silvas dhe Ibrës dhe pensionimin e pjesës më të madhe të skuadrës. Gjithashtu kam ulur aq poshtë standardin e pritjeve që edhe nëse s’do të jemi fare në Evropë vitin e ardhshëm s’do të ishte problem.
Është një pasojë e politikave të ngurrëta në tregun e transferimeve që nga viti 2001 ndoshta, por akoma qëndroj tek fakti që pas 2006 e mbrapa politika e shitblerjeve ka qenë krejt ndryshe. Ndoshta shitja e Shevës u ka mbetur ‘ëmbël’ dhe që nga atëherë më shumë kemi qenë të prirë për të shitur se për të blerë.
Por, kur kemi blerë kemi marrë shumë lojtarë me transaksione jashtëzakonisht të volitshme, por edhe kemi marrë shumë lojtarë të cilët nuk kanë qenë aspak të nevojshëm, përfshirë edhe talentet.
Të kalojmë tek talentet. Sa veta kemi marrë nga akademia viteve të fundit. Abate dhe Antonini janë kthyer pas një xhiroje disa vjeçare nëpër skuadra inferiore. Abate ka pasur performanca të mira, derisa për të dytin nuk më kujtohet ndonjë ndeshje e mirë. Të dy kanë pasur ‘shkëlqimet’ e tyre, i pari ndaj Interit, e i dyti ndaj Manchesterit!
Së fundmi kemi De Sciglion, derisa të tjerët janë duke humbur kohë nëpër skuadra amatore, nga ku presim të zhvillojnë talent që do të shfrytëzonim në Champions League. Akademia e Milanit nuk është ajo që ka qenë dikur, dhe që do të duhej të ishte për emrin e madh që mban. Derisa të jetë kështu ne do të vazhdojmë të blejmë lirë dhe të shesim më shtrenjtë, si e vetmja mënyrë e përfitimit, që do të ishte baras me zero kur shohim dështimet e vazhdueshme që bëjmë.
Më në fund larguam Mesbahun. Ishte bërë pikë e zezë dhe ankesë e Gallianit që pengonte shumë tratativa, kinse shkaku i tij. Një kujtim – Galliani nuk ka ardhur në Milan këtë vit, aty ka qenë mbi 20 vite dhe vet ka përgjegjësi për gjithçka që ka ndodhur në Milan së fundmi. Nuk ka gjetur Mesbahun aty, atë e ka blerë vet. Morëm Zaccardon me një kontratë të ‘volitshme’ për tri vite e gjysmë. Larguam Acerbin (Nesta junior!), e huazuam Emanuelsonin, Valottin e Strasserin. Shitëm Paton. Blemë Salomonin, gjysmën e Constant, dhe komplet Ballotellin.
Duke parë ‘rehatimin’ e formacionit të Allegrit me ndryshime minimale, qoftë edhe në zëvendësime kohëve të fundit, atëherë supozoj do të jetë vështirë të gjej vend Salomoni dhe Zaccardo, edhe pse kur kemi parasysh mbrojtjen tonë kurrë nuk i dihet. E sa për Ballon, dyshoj që do të jetë në pankinë javën e ardhshme.
Kemi 32 lojtarë të huazuar, dhe 12 në bashkëpronësi. 27 lojtarë janë në dispozicion të Allegrit për pjesën e dytë të sezonit. Totali – 71 lojtarë pa përfshirë primaveran.
Është kallaballëk, shumë kallaballëk. Më e keqja është që në këtë kallaballëk, mëzi mund të gjejmë 11 lojtarë që do të jenë simbol të Milanit. Sulmi është i përkryer për së paku një dekadë. Mesfusha dhe mbrojtja s’janë kërkah. As portjerët nuk janë për mësysh, së paku jo Amelia e Abbiati.
Luan Morina
Kolumnist për ACMilan-Shqip
© 2023 Bllog Personal
Theme by Anders Norén — Up ↑