shkrime për filma, seriale, sport, e filozofi jete

Tag: kidding

Kidding – Sezoni 2 (2020)

Ndonëse e pandehur si komedi, ‘Kidding’ me Jim Carrey në sezonin e parë ofroi një pamje goxha të errët në jetën e një komiku. Dhe kjo zymtësi vetëm sa u shtua në sezonin e dytë duke u ngjitur në shkallë edhe më të larta. Shtoj kësaj edhe mënyrën e re të transmetimit me dy episode në javë, Kidding u kthye nga një komedi e errët në një dramë të errët.

Xhef qysh në fillim shkakton një aksident nga i cili nuk duket se do të dalë për të sjellë nëntë episodet e mbetura të serisë. Por, pa kaluar shumë kohë, nis ai udhëtimi i vet-zbulimit të Xhefit, i cili si hero i fëmijëve hamendëson që nëse mund të gënjejë, çfarë tjetër mund të bëjë!

Kjo disi vazhdon atë vet-sfidimin nga sezoni i parë kur vendosi të zbulonte botën e vërtetë ndaj fëmijëve. Si kthehet nga ai moment kulmor në sezonin e parë, e shohim në pjesën e dytë të sezonit, e cila nuk lë mënjanë as karakteret tjera dytësore.

Udhëkryqi i Xhill ndërmjet së të kaluarës dhe të ardhmes; problemet e Deirdres rreth divorcit; puna dhe shëndeti i Seb; adaptimi i Uillit me jetën e re, e bëjnë këtë sezon, e seri më shumë një punë ansambli me shumë karaktere, se sa vetëm një pionë të rreshtuar pranë karakterit mbretëror të Xhefit.

Më duhet të përmend patjetër që ky sezon ka pasur një shkrim të jashtëzakonshëm, duke i dërguar karakteret në rrugëtime aq të thella e të kuptimta sa në bënë të mendojmë që po shikojmë disa jetë në disa seriale! Episodet, të dhjetat, janë mjeshtri në vete, duke shkëlqyer me origjinalitetin që i bënë të veçanta nga njëra-tjetra.

Pastaj kur jemi tek aktrimi! Mrekulli në vete që nga Jim Carrey, deri tek Juliet Morris si Medi me sëpatën e saj!

Për Zotin, kjo seri është e veçantë. Ka gjithçka në vete! Nuk është e lehtë për tu përtypur, dhe sigurisht që nuk mund të kënaqë shijet e shumicës. Por për dikë mund të jetë speciale. Nota personale: 5/5

Kidding (2018) – Sezoni 1 Recensim

Jim Carrey njihet për komeditë e tija të përkryera gjatë viteve 90’ta. Pastaj e kemi në një periudhëtepër artistike, dhe së fundmi e gjejmë me fjalime e citate edhe më të thella.

Nëse nuk keni dëshmuar periudhën e fundit të Jim Carreyt, nëse nuk e keni parë storyn në instagram të @kushsusuri-t (peizazhe parajse nga krejt vendet natyrore që viziton, ngjitet, edhe atë në vikende!!!!), atëherë po ua citoj një fjalim të Jim Carrey këtu (i pavërtetuar!) –

“Asnjë festë nuk duhet të ju manipuloj deri në atë pikë ku ju duhet të hyni borxh për të shfaqur dashurinë tuaj ndaj dikujt!”

 ‘Kidding’ sjell JimCarrey në rolin e një komedieni për fëmijë si Supergogo për të pasluftës,Branko Kockica për të paraluftës, e Krusty për Simpsonheadat!

Mirëpo, për dallim prej të gjithëve, karakteri i Carreyt ka humbur njërin nga fëmijët në aksident trafiku, edhe tani duhet të gjej ‘formën’ e komikut pas kësaj ngjarjeje. Me një pikëpamje krejt më ndryshe për jetën e botën, komedia e Xhefit (Carrey) ngacmon kufijtë e asaj bote të ëmbël për fëmijë, një botë të cilën të gjithë e kemi pasur deri në një pikë – atëherë kur na e kanë prish qejfin së pari! Xhef dëshiron të flet edhe për njërin nga misteret më të mëdha të fëmijërisë – vdekjen, por refuzohet nga producenti i emisionit që është edhe babai i tij.

Frank Langella vjen në rolin e babait të tij, Catherine Keener në rolin e motrës së tij e punësuar gjithashtu në këtë emision, Judy Greer në rolin e bashkëshortes së ndarë, dhe Cole Allen në rolin e binjakëve (njëri i gjallë dhe tjetri i vdekur)! Është një punë ekipore që pos që lustron shkëlqimin e Jim Carreyt në një rol të përkryer për ‘fazën’ e tij artistike, ka edhe xixat individuale në skena e episode të ndryshme nga kohështrirja e karaktereve të tyre gjatë tetë episodeve të sezonit të parë.

Është seri epapërshkrueshme, komedia më e errët që e keni parë, por edhe ndër më të përkryerat, e realizuar me mjeshtri në çdo aspekt. S’po boj hajgare! Nota personale: 5/5

© 2023 Bllog Personal

Theme by Anders NorénUp ↑